A verdadeira história do “1º Festival da Baía Das Gatas”

..esse e título dum artigo k Dany Mariano eskreve pa a semana online. Muito bom! um bokod de história k um data de auto nomeod pessoal de kultura de cabo verde ta negligencia.. ou seja.. kata interessas, se kalhar, o k REAIS kriadores de Festival de Baia das Gatas faze pa isso kontce..ou simplismente kem foi!!! pois... e um kosa estronhe na esse terra.. tud gente kre falá de kultura.. de arte... de musika unton!!!! (e so espiá kuantidade de blogs prei de entendidos da materia...).. pois fala de musika e simples ka e?.. mas nao interessa o k es blogueiro mensageiro de nos kultura (fazind de konta klaro!!) tem estod prei ta eskreve... maior parte de vez um bokod de konversa fiada de koisas kes ta uvi prali sem nenhum sentido tonte tecnico komo de interesse ou mesmo a nível de verdade de factos! n podia dá alguns exemplos.. ma isso dpois.. na ot post.

Por agora n kria so faze passá mensagem de Dany Mariano, pamo n ta otxa de extrema importância i era um kosa kun tava gosta k tud gente f'kase ta sabê. Ultimamente no tem assistid, na Festival de Baía, a um autentico "showroom" (no txmal assim) de LUSAFRICA i de HARMONIA, ambos empresas de Sr. Djo da Silva. Pois.. kata passá disso. Baia das Gatas pa mim tem dos vertende grinhasin: um de camara de São Vicente (interesses polítikos) k e pa mante povo sossegod i das festa!! muita festa!!! alias.. camara dala kata faze mas nada a não ser carnaval i Baía! i kel ot vertende (de negoce) e promoção de artistas de Sr. Djo! nada mais do k isso! alguem tentá provam o kontrário! Pa kel k Dany ta descreve... katem nada a ver k propósito de criação de Festival de Baía. Ma txam ka falá mas.... por favor bzot konsultá esse artigo: A verdadeira história do “1º Festival da Baía Das Gatas”
..bzot fka dret!!

Manifestação TVP

Ess terra de nos realmente e surrealista!!! so pode ser... ess lugar kata existi!! n le na Liberal ess li "Ontem, o povo fez ouvir em Mindelo a sua voz. Foram largos milhares que saíram à rua – gente de todas as classes, muita da classe média, muita juventude, velhos e crianças, amigos e militantes de todos os partidos políticos. Viram-se também algumas personalidades políticas, culturais e empresariais de Mindelo. Mindelenses comentaram a Liberal que esta manifestação foi “a maior de todos os tempos, pelo menos desde que a democracia foi implantada em Cabo Verde" ...i n fka tan!! Nos pove ja aliena de tal forma k agora ate tem manifestação pa apoiá um televisunsinha (alias.. el e mais um emissão do k um televisão) na soncent! n sabe k nha pove ta gosta dum guetetugueder mas keli ja passá midida!! ma tambe ka era de esperá mais num terra onde k primer k komeçá ilegalidades foi prop governo ma kes instalação de antenas parabólicas na tempo de kampanha sem nehum autorização de emissão pa parte de kes kanais kes ta transmiti! Pudera, agora Pulu ta sinti na direito de manifestá a favor dum kosa k e kompletamente ilegal!! i mais grave.. k apoio de pove.. ma pronto.. n kata fka surprendido se n bem a sabê ma tem didin de algum polítiko de oposição mitid na meio!
Moss!!.. jam tem estod ta dze: num sociedade onde k nos padrões ta mudá konforme e novela ktita passá na TV.... e normal tem es tipos de koisas!! Pessoal tita manifestá ses direito na oiá ses novela em paz i ses futbol sem kes komentários mariot de TCV!! Ma Pulu meste e tmá juize i se ele kre faze um kosa de jeito pel tratá de legalização de TVP.. senão daki a pouko ilegalidades ta vrá um kosa tão normal k ate mim e kapaz de deklará nha kasa um Repúblika Independente i kriá nha próprio governo (moda Fela Kuti faze)!!... enfim... bzot fka dret!

foto: Liberal online

Site de TCV

humm... bzot pode pensá ma n ta arrmod na es maltas d TCV.. (ya.. es kata pasá duns malta la ta tentá faze um televisão funcioná... sem meios.. sem organização.. sem programação k vale a pena... sem um direcção em kondições.. enfim um autentico circo xeio de palhaços sem piada!!).. ma a verdade e k n tava gosta d tem um televisão nacional e ktava funciona razovelmente dret... xatiss! mi kun simples MAC n ta monta um DVD kool.. n ta bai na internet n ta panha uns menus ja pront.. i la n ta monta nhes filmagens d gravação de cd d tcheka na studio bnitão!! o k kun kre dze kom isso k ate k pokos meios e possível fazel um traboi minimamente d kualidade kond no kre, klaro!! ma e mesmo so kond no kre!!.. ma pronto..


Ma agora n kria referi a o seguinte: na lado direito n po alguns links de uns orgão d komunicação social d nos terra... entre es kel TCV ta lá! ma ja bzot tentá kliká na el pa oiá u k k ta kontce? pois... nada kata kontce!!! el ta leva pa um pagina... (kel de RTC e ainda pior... kun ka kre nem fala dele!!) k logotipo de TCV i um ot logotipo de TudoDirecto..k kuase ta faze hosting de site (????) de TCV. Bom... nos televisão ja tem 20 one!!!!! ou é 21? bom.. nao interessa... o k interessa li e k nos televisão já e maior de idade.. jal tem 2 decadas (dito assim ta parce mais pesod!!!) i ainda el ta kontinuá nes kosa? sinceramente... pamo kes kata po um nota pelo menos ta dze assim "site para breve" ou ot kosa kualker!!..bem kes podia ba ta faze um blog pa po ses programação (embora kelá e um repetição EXACTA tud semana...) i ots informação..bom bom.. pensod bem.. se pes ba faze mas asnera txa moda ta lá!! ta dret ta dret!! enfim.... bzot fka dret!

www.humbertoramos.net

...tem uns site k vale a pena dá un check.. Beto Ramos... alguem sabe d kem kun tita fala? Pami um dakes músikos caboverdeano kum postura musikal i social k devia ser exemplo pa um data k kre segui es kamin d musika/kultura.
N ta akonselhá tud gente a da um check na se site... e principalmente na um texto de Reflexão kel eskreve sobre nos musika i nos artistas i nos konsciencia kultural.
...bzot fka dret

A Semana Online!

...jam sabia ma jornal " A Semana" tinha tmod feria.. o k k mute estronhe pa um jornal!! mas pront... ja no ta habituod k koisas estranhas ness me(r)dia de nos.. ma... desde d onte kun tita tenta entra na site d "a semana" i nada!!! ta dam so mensagem de "servidor não encontrado"... alguem dzem "moss " A Semana" tmá féria ate de internet tambe!!!"... bom bom.. nos tud sabe ma kriol ta gostá d falá... por isso n ka kre nem pensá kess kosa e dvera! hummm anyway... seria bastante estronhe um jornal tma féria dess manera.... bom... alguem ja tinha dzid ma cabo verde e surrealista!!!!!.. bom... bzot fka dret...

Genéricos..

... ja bzot oiá genéricos de nos TCV? humm... n fka ta pensá. ma kem e kta fazes?? n kabá d oiá genérico de programa de Dany Spínola (Finason di Konbersu) n fka sustod!! kredo! ki k kel lá? es moss katem noção de utilização de fontes, kores, imagens de fundo...alguem e kapaz d isdam intende?... bom... bzot fka dret

Spy Kids 3D!!

... n ta otxa ma kel pessoal d TCV ka sabe bem o k kes ta estod ta faze.. ha bokadinho n kabá d oia um filme (Spy Kids) na formato especial 3D!! ou seja... pa alguem pode oial komo deve ser e preciso uns okulos especias.. (kes tal k kada lente tem um kor... vermelho i azul, kaso kontrário alguem ta oiá imagem um bokadin desfazod).. sim, por inkrivel k pareça! n fka na duvida... será kes distribui okulos dakes pa tud gente i mim n ka tma fe?? ou foi simplismente na falta d ot kosa pa pasa na espace infantil de nos televisão? d kualker manera.. koisas des li ta demonstra falta d profissionalismo ou será desantenção?? ou kem sabe... mesmo falta d konhecimento???... bzot fka dret!

Cabo Verde Multimé(r)dia!

E simples: jam kansá de oiá, le i uvi asneras na nos komunicação social... !! portanto.. n resolve na abri um espace onde k no pode analisá, diskuti, debate alguns merdarias k ta feito na nos Mé(r)dia! e klaro tambe se tem kosas dret no ta bem falá dele i tambe promovel na nos espace!... ta kun krescimento inkrivel d blogs cabo verdeanos k algum kualidade, ate mais k nos prop meios d komunicação oficial! i kes lá no kre fazes fka konxid i kem sabe.. e mas um forma d informção independente i alternativo... o k tita faze txeu falta na nos terra.
Tud bzot e bem vindo pa komentá i tambe kontribuí!! bzot fka dret..