Terranaçon

Foto: pedro silva


terra
do Lat. terra
s. f., pátria;

nação
do Lat. natione

s. f., conjunto de indivíduos que estão ligados fundamentalmente por laços históricos, culturais (podendo ou não ter em comum a língua, a religião ou a origem étnica) e por interesses, necessidades e aspirações comuns;

Terranaçon e um projecto musikal de Caboverdeanos radikod na Portugal desde diaza i ots k ka nasce na Cabo Verde ma sempre es teve ligod a terra. Ideia dakes membro k'inicia ess projecto, e faze um som onde e possivel oia/uvi/sinti nos terra. Es tem um konceito de k, mesmo estond fora i longe de terra, k'ots influencias, es ta faze parte dess mesma Nação!

Projecto inicia k tres pessoa: Carla Correia (voz, letras) filha de caboverdeanos, nascida na lisboa, i dos irmon fidje de caboverdeanos ma nascids na San Tome, Djone Santos (guitarrista, compositor) e Tozé Santos ou Tutin d'Giralda (baixista, voz, compositor). Na altura es dos irmon tava toka ma Carapinhas (grupo k akompanha General D), ma es senti necessidade de faze algo mas ligod a nos tradison. Tutin inklusive tem um tema (Sabura d'San Jon) na ultimo CD de Nancy Vieira "Segred". Depos entra pa projecto, Humberto Ramos (pianista) i baterista angolano N'Du.

Ate entao, uniko forma des partilha ess projecto ma nos e atraves de koncertos k es tem fete na Portugal, visto k ainda es katem um CD gravod! Ma n ta espera k seja pa breve. Inkuant isso e possivel oias, uvis i sentis dia 07 de Novembro na festival MUSIDANCAS 2006 na Lisboa. Um oportunidade pa ka perde, pa kem tiver na Lisboa, de oia o k tambe ta fete a nivel de musika de cabo verde na portugal.

Tambe ness mesmo festival (de musica do mundo lusofono) e possivel assisti koncertos de ots artistas caboverdeanos moda Boy Ge, Refilon, Maria Alice i Sara Tavares. Kem tiver interessod pode konsulta programação.

...Bzot fka dret!

(thanx Carla ma Beto pa infos)

Ricardo De Deus - Fragmentos

foto: copyright - Omar Camilo - 2006 - all rights reserved

Dia 03 de Novembre e data markod pa lançament pa públiko i amigos de primer traboi a solo de Ricardo De Deus "Fragmentos".

Kompost pa 14 temas, 12 des de se autoria, Fragmentos e exatament espelhe de diferents influencias adkirid i assimilod durant se vivência. Fragments de kada um des influências na diferent formas i fusão, ta konstituí temas dess traboi.

Pa koncepção dess CD, Ricardo kontá k participação de txeu musikos amigos, de Cabo Verde i Brasil. De Cabo Verde, teve participação des musikos: ARKORA [Raul (cajon & bateria), Kiso (baixo akústiko & fretless) i Angelo (kavakim)], Ney di Belinha (violão de 12 korda), Duka (violao), Pery (percussão), Stephane Peruchet (percussão afro) i Martin Schaffer (violino); El kontá ainda k vozes de Tété Alhinho num interpretação sui generis, dum excelent koro infantil, interpretod pa Mara, Edna, Susi, Morabi, Nadia i Leda.

Na Brasil el ba b'ska sons de Jailton Soares (violão), Everton David (bateria), Nelter Correia (guitarra), Carlinhos do Acordeon, Vagnao (flauta), Marcelo Bakana (pandeiro), Gerson Moraes (violão), Renato Almeida (bateria), Anselmo Ubiratan(contra-baixo), Paulo Henrique (bandolim), Dinho O Sague (voz), Marcelo Cardoso (viola) i Henrique Amado (flauta).

Lançament de CD e na Tabanka Mar, 22:00! Na ess koncert de apresentação el tita ba ser akompanhod pa Angelo, Ney, Raul, Kiso, Duka, Djinho, Gamal, Stephane i Tété.

CD ta ba estod a disposição de tud kem k kiser adkiril, a partir de dia 3, em troka de 1.500 akordes :), na Livraria da Biblioteca Nacional (Palácio da Cultura Ildo Lobo), na loja de souvenirs de Tabanka Mar i na ots lugar k dpos no ta bem a sabe.

Entretant, hoje, dia 26 de Outubro, Centro Cultural Portugues na Praia, tita promove um apresentação dess traboi, pa patrocinadores, musikos participantes i imprensa.

n ta espera oia bzot tud la... bzot fka dret!

Netiquette Revisited!

...logo kond WWW komeca ta vra um espace virtual popular i mais i mais gente komeca ta usal, foi kriod un konjunte de normas de komunicacao na net (usenet, mailing lists, chat rooms, message boards, etc..) pa evita mal entendidos e faze kom k utilizadores tava usa um forma "edukod" de escreve, tendo em konta k ess "eskrita virtual" era/e tido komo k alguem tivesse ta konversa pessoalmente ma ot.

Foi kriod Netiquette ou etiketa de redes... nao so de internet mas de tudo kuanto e redes onde k pessoas tava komunika atraves de eskrita.

Pois, e nesse sentido k n kris relembra es preceit pamo kosas k'tem estod ta kontce nalguns posts li na ess blog. Pessoal ja sai kompletamente de topiko i ultimamente no tem estod ta assisti a um "kem puder amais" na es espace de "comments". E k txeu tristeza kun tem konstatod monera k alguns pessoas sob anonimato tem estod ta abusa disso pa dze o k das na tola, a ponto de desrespeito i txeu vez ta ataka a nivel pessoal dum forma bastante agressivo!

Tudo bem k mi e um apologista de liberdade de exprimi, espernea, barafusta, grita,... ma ate desporte radikal tem regras!!!! Portanto antes dum tma um atitude de forma a ka permiti nenhum postagem mais (o k seria um bokod xato, visto k o k tem piada na blogs e reacao/interacao a kada artigo) n ta pedi pessoal pa da um check na Netiquette i talvez no muda um bokadin nos forma de estod na es debates ok?

...bzot fka dret!

Idá Abreu - Eskultor

Tem artistas caboverdeanos k e motivo de orgulho pa nos tudo.. ma nem sempre es e kunxid na nos meio ou enton es e dod ses devido rekonhecimento ou valor. Um des e Idá Abreu. El ta vive i trabaiá na Paris komo eskultor, desenhador, aguarelista. El nasce na ilha de Santiago i el e m'nin de Achada Santo António, onde k ainda kriança el troka brinkadera de menino pa faze, mesmo k pok rekurses, eskulturas i desenhos! Apesar de ser autodidata, ses kriação ta revelá um autenticidade i originalidade k ta advem de se natureza humilde komo pessoa k sube observá i nutri dess natureza de nos de forma a konsegui um resultod insólito i universalista ao mesmo tempo. E dakes artistas k ses postura komo pessoa deve ser observod de perto i sirvi de exemplo pa nos tudo. Por favor bzot da um check na se site oficial http://idabreu.free.fr/ e kta mute bem fete, onde e possível oiá alguns de ses obras e konsultá se biografia. Muito bemmmm!

...Bzot fka dret

Paralelo 14

..um pergunta: o k k fete de Paralelo 14? Há dias kun ta estod ta espiá ses site ma ja tem kuase um mes (!!) k ka foi atualizod. Ultima atualização tem data de 11 de setembro.

Paralelo 14 foi dakes primer jornal online k parce na cabo verde i hoje em dia el tita parce mais um Blog do k prop um jornal online k el era de actualização sempre na hora!! Bom... ta fka li nha manifestação de estranheza. Se kalhar eskapam algum informação... eniuai...
...Bzot fka dret!