Jam tinha dzid mi mesmo k ka valia a pena estod ta le jornais dess terra! Jam tinha pensod nunka mais eskreve sobre es kosa! Jam tinha pensod ate na paga ess blog i segui nha vida pa frente sem estod ta preokupa k koisas e kta estod ta pasa pa nha volta! Ess e um blog d'ingustia!!
Ma e impossivel. N guenta ate n ka pude mais. Dpos de ter visto na TCV entrevista k Tcheka sobre lancamento de se novo CD i hoje kond n le na Jornal A Semana Online texto de Chissana Magalhaes, n dze: nao... ka pode! e preciss alguem komeca ta esklarece alguns kosa!
Chissana dze ma texto foi eskrit na base de elementos enviod pa prop "Harmonia" komo representante de Tcheka. Tudo bem. e de ses maior interesse k ses artistas estod bem representod, bem falod, bem akarinhod, bem referenciod, de forma a ses produto vende txeu i kom isso es enrikece kada vez mais nao obstante se por isso e preciss omiti alguns verdades ou mesmo inventa ots.
Mim so n ta eskreve es kosa pamo e bom k realidade seja kontod moda el e! pa manha ess texto de Chissana ka bem ser tmod komo um dokument de referencia pa algum livro de algum ot e k kre eskreve sobre tal artista sem peskisa dret! koisas k ja tita kontce a vontade ness terra! i nao so referente a musika! De repente tud alguem kre eskreve sobre Independencia i ses bastidores, Cabral, etc etc etc sem garanti k kes fontes i kes estorias e dvera! enton..
[...]Em 2002, finalmente o álbum a solo : Argui (levanta-te) marcou de facto a ascensão de Tcheka. O sucesso e o reconhecimento do seu virtuosismo à guitarra acústica e na escrita dos seus temas, vieram acompanhados das inevitáveis comparações e rótulos [...]
Bom, n ka sabe li do k a autora de texo tita referi komo "virtuosismo a guitarra acustica" mas e so bai na ficha tecnica de CD i oia kem k faze arranjos, toka guitarra e faze solos. simples. kuanto a comparacoes i rotulos, um kosa k nenhum jornalista nota ou fala ou kestiona e: a base k tava ta akompanha Tcheka na ess CD e mesmo k akompanha Orlando Pantera durante kes ultimos tempos de se vida: ARKORA. portanto era mais do k normal k tendo denominador komum, resultod seria parcid. mas nao igual!
[...]Nu Monda ( de 2005), [...] é acompanhado pelos jovens mas experimentados músicos Kizó Oliveira (baixo), Raul Ribeiro (percussão) e Hernâni Almeida (violão solo) [...] O sucesso de Nu Monda, e o novo estatuto de “estrela”, levaram à produção de um DVD.[...]
Na segundo CD de tcheka tambem ele foi akompanhod pa grupo ARKORA, k faze partes de arranjos (embora kata parce na ficha teknika de CD) mais Hernany na guitarra k tambe participa na alguns arranjos i faze direcao musikal. Tcheka sempre faze um kosa k nunka n percebe: el tava promove um CD kom musikas de proximo CD! Pois isso e k kontce k "nu monda". Kel tal DVD k dzid li k foi resultado do sucesso de "nu monda"? nada mais falso!
DVD foi gravod na junho de 2004 (inkuanto k CD foi gravod na mesmo ano mas na mes de novembro) na um koncerto promovido pa Teatro Maria Matos onde k Tcheka seria artista principal mas k por exigencias de Tumbao (representante de Lusafrica/Harmonia na lisboa) tinha k tem Lura komo kabeca de kartaz i Tcheka so podia faze primera parte!
Ka era previsto gravacao de DVD nenhum! Koncerto tud foi planeod pa destaka' Lura porke ela k era atracao na momento i motivo de grandes promoces por parte de Lusafrica. tanto e k chegando la tud estrutura de palko, luzes, kolokacao de kamaras i tud mais foi fete ta pensa na concerto de Lura. Se alguem presta atencao nakel DVD ta oiod klaramente k kamaras ta falha txeu (horas de solos kata oiod kem ktita sola, planos mal feitos.. etc etc) i sem konta k kes instrumentos de musikos de Lura tud la tras na posicoes komo deve ser inkuant k musikos de Tcheka ta komo k disposto de um forma de "d'senrraska" na um espace k sobra dakes ot musikos pamo de forma nenhuma ka podia mudas de lugar!!!!
Pois, por exigencia de Tumbao, Tcheka la teve k faze primera parte de Lura. Mas um primera parte de 01:15 minutos! onde ja se viu! Ma mais estranho de isso tudo e k musikos de Tcheka NUNKA soube ma tava ta ser fete um DVD i nem tao pouko kel tava sai junte ma CD! o k foi informod e k komo tcheka katinha nenhum clip na altura es tava ta ba "kapta" alguns imagens pa dpos usa komo "promocao" de CD "argui!" na portugal! nada mais. Nunka existi um kontrato de gravacao de DVD entre musikos e Harmonia/Lusafrica/Tumbao nem tao pouko musikos recebe kualker cache pa kel DVD!
Nunka foi informod de destino de tais filmagens ate saida de CD k por surpresa traze um DVD de koncerto na Maria Matos!
Lancamento de "nu monda" na cabo verde nunka kontce. nenhum jornalista nunka kestiona porke. Dois elementos k teve ma Tcheka desde komeco, abandona projecto, nunka nenhum jornalista pergunta porke. alias.. e um kosa interessante monera k Tcheka tita ba ta perde ses kolaboradores i pessoas k oriental i dal um rumo pa se musika.
Falando agora des ultimo trabalho k Chissana ta kategoriza de "magistral":
K'tud respeito kun tem pa Lenine i se traboi (k ka e mute acustico moda Chissana ta dze) n ka intende se eskolha pa producao dess CD. i axo k Tcheka tambe nao. Pois, simplismente porke ka foi eskolha dele! Tcheka ao kontrario k pode parce kateve eskolha nenhuma na produtor musikal nem el kateve kualker decisao na eskolhas de musikos adicionais pa CD. Kem kta uvi ess CD ta fka kun impressao ma algum kosa kata dret. nalguns musikas, acento ritmiko ta kompletamente fora! ("ana maria" e um exemplo disso). eskolhas de sonoridade nao se percebe. alguns efeitos (moda na "argui!") nao se entende! "Argui!" k era um musika k forsa! um musika k era um chamada de atencao! um grito pa labanta!! pa desperta!...pa faze algo pa nos musika!! (literamente era esse intencao. i era o k Tcheka ma kem ktava toka ma el na Pub Cruzero (Tex) tinha em mente! isso antes de kualker produtor ou CD! ano 2000.)
Ou seja... Lenine depois de capta guitarras de Hernany, de Tcheka i vozes, el ba brinka um bokado! resultod e o k kta na CD: um mistura de "terra de ninguem"! Ka ninguem bem k estorias de musikas do mundo i misturas pamo.. tem misturas i misturas! CD tem koisas interessantes. alguns arranjos i sonoridade. mas... kel oboe i kes koros na musika #2 (ana maria) e medonho!! alias.. voz de tcheka kata mas k kel brilho, alegria i espontaneadade kel tinha na kes ot CD! voz ta sombrio.. sem sentimento.. sem alma! sta lonji!!! mutu lonji!
Ma pronto, isso e pa demonstra ma ess konversa de "promocao de cabo verde la fora" "defesa da nossa kultura" i mais outras koisas, kata pasa de konversa fiada! o k k'no tem li e um "produto" vendavel, moldavel i ktita rende Harmonia/Lusafrica i o proprio artista algum trok! nada mais.. it's all about money! kultura..? esse morre diaza!
...bzot fka dret!
