Ness dia de hoje, 20 de Janeiro, pami um dakes data mas importante na história de nos Nação, n kria txa bzot kun texto de Jandir Oliveira*. Text esse k foi apresentod kond el era estudante na USA, num koferéncia estudantil sobre Amilcar Cabral e Martin Luther King em 18 de Janeiro de 1999, mas ktá kontinua sempre atual:"The Road to Freedom"
Culture as a Means of Resistance
Culture as a Means of Resistance
Ilustres konvidados,
Em primer lugar n kria agradece ess honrose konvite d'apresentá diante de tão ilustre audiencia ess komunikação sobre Amilcar Cabral, na mas um homenagem de vigesim sext aniversárie de se morte.
Kond me foi pedid ess komunikação foi-me delineod aspect kultural i de juventude na ponte de vista d' Amilcar Cabral i e ness parametre, k'embora mi não send expert ness matéria, 'n ta propo a honrá.
Tambe um kria k'ess komunikação ta servi kome um alerta pa tud jovens kaboverdianos principalmente akes ke por mutives vários e vítimas de vários problemas sociais kome droga, alkuolismo, violéncia, kome e caso dakes 19 jovens kaboverdianos ke ness moment e alvo de autoridades merkone.
Fala d'Amilcar Cabral ta pressupo um métode d'análise bastante estruturod i complex, na medida em k fala de Cabral ta significá falá d'um dakes maior figuras de pensament global na domínio de ciencia política i kultura. Falá dess líder ta implicá um orgulhe epistemológico profunde na noção de kultura como arma de resisténcia, de libertação i de política kome variável progressista d'afirmação de txeu kosa. No entant no ta perguntá: o k k Cabral tem a ver kes temps k'no ti ta vive, em k milénio ti tá mudá i em ke munde ti tá torná global? Ainda no ta perguntá: kual e interess d'abordá Amilcar Cabral pa nos juventude kaboverdiana residente li na Merca i a kemim d' one 2000?
Nao foi sem algum dilema ke kond 'n debruça ta peskisá padrões de pensament d'Amilcar Cabral, 'n prokurá kriá um ligação entre Cabral, tempe, espace, i ess publik jovem no kual 'n ti tá prokurá alcançá. Tambe não foi sem mut esponte k'n deskubri ke pensament estruturod de Cabral ta enkuadrá diretamente a ess mument i a ess publik.
Perspectivá Amilcar Cabral ta sub-intende perspectivá Luta de Libertação Nacional na kuadre de descolonização de kes pais africane d'expressão oficial portuguesa, particularmente Guiné i Cabo Verde. I e na ambite de luta de libertação ke Cabral estruturá um ideologia de libertação basiod na luta armada como acto de kultura. Ta parce paradoxal "guerra i kultura", ma Amilcar Cabral sube teorizá acerka de resisténcia kultural kome esséncia mas deskolonizante de postura dakes pove em libertação. Falonde em otes terms um kre dze ke Amilcar Cabral desenhá kel afrontament a kolonialism kome um acto permanente de prokura d'identidade nacional, i um acte gradual d' assimilação i valorização de nos prop Kultura.
Nao foi sem razão k'Amilcar Cabral faze um profund apanhod histórico-antropológico de povos de Guiné i Cabo Verde listonde tud kis aspects de kultura mas definidores de ses identidade, moda sis língua, sis tradição, sis arte e sis manera de vive.
Ess pensament vectorizod na resisténcia kultural pode perfeitament ser transportod pa realidade ke nos, jovens kaboverdianos ta vive ness lugar i ness moment. Ultrapassod era kolonial i fascista, um grand avonce foi dod a nivel de nação kaboverdiana no tokante a afirmação d'identidade i tambe na afirmação de soberania. Ma no entant tonte aoje kome antes no ta depará ke situações d'imperialism e alienação kultural tonte na Cabo Verde kome fora. Na kase particular d'Estados Unidos, nos juventude mercê de grande peso d'industria kultural merkon, t'inkontrá partikularmente vulnerável nu k'tá dze respeit a assimilação de valores, alguns dos kuais ate não karacterístikos de nos identidade. Aliás tem side notório numero de jovens ke na konflit d'integração ta kabá na txmod " Zona de Ninguên" , vulnerável a droga, alkuolisme, kriminalidade i insucess n'impreg, kond não ta ingrossá lista de prisões i deportações.
'N ta kreditá ke maior parte des jovens, no pode dze "dsajustodes" e vítima d'alienação kultural na medida k'es ka "resisti" deformação de ses prop identidade, iss na sentid Cabralista do termo. um dakes grande preocupação pa afirmação i resisténcia kultural tem a ver k process edukative, ke moda Célestin Freinet tava dze "edukação tonte pode eduká kome desiduká".
Assim ka ta faltá exemples d'idukação ke mesme tentond instruí na arte, ciencia i ideias, ta prokurá mutilá identidade d'edukand sem respeite pa se partikularidade multikultural. Na kase partikular de nos jovens, apesar de txeu esforces d'introduzi multikulturalism na kurríkulos eskolares, e evidente kel edukação d'assimilação atraves de perda de kultura d'origem. Txeu vex mut dakes k'no ta txma "edukods" ta apresenta um visível kastração de kultura própria i um aparente assimilação de kultura merkone, k perdão p'ess rasgo krítiko, de txmod kultura "mainstream".
Kaboverdiane kond ta txga na Merka e portador d'um identidade propria cimentod ha centena d'ones i enraizod na se forma d'vive na ilhas. Ma konde el ta txga na Merka el ta konfrontá se identidade ke txeu aspects de vida de Merka, i txeu vex ess embate ka ta da de forma dialógica, ou seja atraves d'interkambio de valores kulturais, ma kontrariament el ta da de forma mutiladora, atraves de perda d'identidade i assimilação de valores de sociedade merkone. Ess process de Mascara Branca moda Frantz Fanon tava denominal, ta kriá um desestruturação social i psikológica de txeu kaboverdeanos ta vive ness pais, partikularment jovens, ke e kes mas expostos a assimilação.
Ma no entant ta surgi um kestão: "o ke k'no ta faze pa resisti kulturalment?" ou ainda no ta faze ess provokant pergunta: "Será ke ser kaboverdiano ta signifiká rejeitá kultura merkone?"
Obviamente k'no ta realçá identidade kome um valor de pertença positiva, integradora i dinámika. Ma tambe no ka deve pensa um kaboverdianidade fetxod pa munde i em defensiva em relação a modernidade. Amilcar Cabral tava dze na sis escritos de resisténcia kultural ke o importante e avaliá sempre i objectivamente o k necessário preservá na nos kultura i o k importante d'assimila d'otes kultura. No ta ilustrá ess tese k'análise k Cabral tava faze de preservação de nos linga Nacional i necessidade de prende portugues. El tava dze mesme k portugues foi um dakes maior herança kultural de kolonialism.
Transferind novamente pa cenário merkone, no ta tem ousadia de dze ke ness particular moment ta interessá nos preserva i promove nos linga nacional, ja agora tambe portugues, i prende ingles kun valor necessarie i estrategic. O mesmo ta kontce no tokante a artes, ciencias i tecnologia, ke e koisas k'ess pais ta proporcioná nos, mas klaro sem perde nos tradição i nos manera de vivê. Aliás pa emdjor vivê ness mosaik multi-étniko i multiracial k'e sociedade merkone i pa emdjor participação na Demokracia, tem k tem um autonomia krítica i um identidade kultural prop d'nos.
Se no repará, judeu ka ta perde Judaism pal pode senti merkon, o pal sinti integrod na merka. O mesmo ta kontce em relação a afro-merkones, latines, chineses i otes komunidades k'ta faze merka. Ultimamente no tem notod um certo tendéncia, sobretud na áreas urbanas de Boston, New Bedford, Brockton i Providence d'um certe guetização de juventude kaboverdeana devid a kestões sociais kome ilegalidade, desempreg, insucess eskolar, violéncia i droga. Ess fenómne de guetização ke ka ta vitimizá apenas jovens kaboverdeanos, ma tambe grande parte de jovens de grupes minoritários, deve ser enkarod kome um fenómne k'ta rekere forte organizações cívicas i sobretud sentid de pertença kultural.
Na kase particular de nos jovens kaboverdeanos, ti ta torná tão importante kome urgente kriação d'organizações associativas komunitárias na sentid de desenvolvê programas de promoção de valores kulturais kaboverdianos, de saude públika, d'orientação d'empregues i de definição de necessidades de juventude kaboverdiana. No ta nota ke maior parte de kaboverdianos ta pertence a roll de trabalhadores i kontribuintes d'universs fiskal dakes cidade, embora es ta longe d'obte em paridade kes beneficios i oportunidades sociais k'e ofericid na kes cidades. Naturalmente k'no tem estod ta identifiká alguns programas moda edukação bilingue, MAPS, DSNI i Bowdoin street Health Center, ma tud iss k'e, klaro, importante, e extremamente reduzid pa promovê em exata medida, respostas ke kaboverdianos ta demandá, em partikular kes jovens.
Finalmente no kria alertá k exemple d'Amilcar Cabral deve ser kolokod em perspectiva i re-elaborod a partir de nos vivéncia num munde a kamin de tercer milénio, kujo oportunidades ta apresentá emdjor do k akes sob kolonialisme portugues, embora nem por iss imunes de marginalização i d'alienação. Dai ke no ta ezortá a todes, aprofundament de pensament de Amilcar Cabral no tokante a kultura komo factor de resisténcia i variável de desenvolviment. Ess espace ke nos foi dod pa koncebê ess comunikação e limitod em termos de tempo, de manera k n'ne nos possível aprofundá i detalhá alguns dakes preokupações k foi li levantod. Entretant no ta permití debate i respondê kestões ligod a ess matéria, porkê e de nos profund konvição de k ideal Cabralista de Resisténcia Kultural e ainda, li i agora o ideário fundamental pa afirmação de nos juventude ness poderose i interessante sociedade.
Muit Obrigade,
Em primer lugar n kria agradece ess honrose konvite d'apresentá diante de tão ilustre audiencia ess komunikação sobre Amilcar Cabral, na mas um homenagem de vigesim sext aniversárie de se morte.
Kond me foi pedid ess komunikação foi-me delineod aspect kultural i de juventude na ponte de vista d' Amilcar Cabral i e ness parametre, k'embora mi não send expert ness matéria, 'n ta propo a honrá.
Tambe um kria k'ess komunikação ta servi kome um alerta pa tud jovens kaboverdianos principalmente akes ke por mutives vários e vítimas de vários problemas sociais kome droga, alkuolismo, violéncia, kome e caso dakes 19 jovens kaboverdianos ke ness moment e alvo de autoridades merkone.
Fala d'Amilcar Cabral ta pressupo um métode d'análise bastante estruturod i complex, na medida em k fala de Cabral ta significá falá d'um dakes maior figuras de pensament global na domínio de ciencia política i kultura. Falá dess líder ta implicá um orgulhe epistemológico profunde na noção de kultura como arma de resisténcia, de libertação i de política kome variável progressista d'afirmação de txeu kosa. No entant no ta perguntá: o k k Cabral tem a ver kes temps k'no ti ta vive, em k milénio ti tá mudá i em ke munde ti tá torná global? Ainda no ta perguntá: kual e interess d'abordá Amilcar Cabral pa nos juventude kaboverdiana residente li na Merca i a kemim d' one 2000?
Nao foi sem algum dilema ke kond 'n debruça ta peskisá padrões de pensament d'Amilcar Cabral, 'n prokurá kriá um ligação entre Cabral, tempe, espace, i ess publik jovem no kual 'n ti tá prokurá alcançá. Tambe não foi sem mut esponte k'n deskubri ke pensament estruturod de Cabral ta enkuadrá diretamente a ess mument i a ess publik.
Perspectivá Amilcar Cabral ta sub-intende perspectivá Luta de Libertação Nacional na kuadre de descolonização de kes pais africane d'expressão oficial portuguesa, particularmente Guiné i Cabo Verde. I e na ambite de luta de libertação ke Cabral estruturá um ideologia de libertação basiod na luta armada como acto de kultura. Ta parce paradoxal "guerra i kultura", ma Amilcar Cabral sube teorizá acerka de resisténcia kultural kome esséncia mas deskolonizante de postura dakes pove em libertação. Falonde em otes terms um kre dze ke Amilcar Cabral desenhá kel afrontament a kolonialism kome um acto permanente de prokura d'identidade nacional, i um acte gradual d' assimilação i valorização de nos prop Kultura.
Nao foi sem razão k'Amilcar Cabral faze um profund apanhod histórico-antropológico de povos de Guiné i Cabo Verde listonde tud kis aspects de kultura mas definidores de ses identidade, moda sis língua, sis tradição, sis arte e sis manera de vive.
Ess pensament vectorizod na resisténcia kultural pode perfeitament ser transportod pa realidade ke nos, jovens kaboverdianos ta vive ness lugar i ness moment. Ultrapassod era kolonial i fascista, um grand avonce foi dod a nivel de nação kaboverdiana no tokante a afirmação d'identidade i tambe na afirmação de soberania. Ma no entant tonte aoje kome antes no ta depará ke situações d'imperialism e alienação kultural tonte na Cabo Verde kome fora. Na kase particular d'Estados Unidos, nos juventude mercê de grande peso d'industria kultural merkon, t'inkontrá partikularmente vulnerável nu k'tá dze respeit a assimilação de valores, alguns dos kuais ate não karacterístikos de nos identidade. Aliás tem side notório numero de jovens ke na konflit d'integração ta kabá na txmod " Zona de Ninguên" , vulnerável a droga, alkuolisme, kriminalidade i insucess n'impreg, kond não ta ingrossá lista de prisões i deportações.
'N ta kreditá ke maior parte des jovens, no pode dze "dsajustodes" e vítima d'alienação kultural na medida k'es ka "resisti" deformação de ses prop identidade, iss na sentid Cabralista do termo. um dakes grande preocupação pa afirmação i resisténcia kultural tem a ver k process edukative, ke moda Célestin Freinet tava dze "edukação tonte pode eduká kome desiduká".
Assim ka ta faltá exemples d'idukação ke mesme tentond instruí na arte, ciencia i ideias, ta prokurá mutilá identidade d'edukand sem respeite pa se partikularidade multikultural. Na kase partikular de nos jovens, apesar de txeu esforces d'introduzi multikulturalism na kurríkulos eskolares, e evidente kel edukação d'assimilação atraves de perda de kultura d'origem. Txeu vex mut dakes k'no ta txma "edukods" ta apresenta um visível kastração de kultura própria i um aparente assimilação de kultura merkone, k perdão p'ess rasgo krítiko, de txmod kultura "mainstream".
Kaboverdiane kond ta txga na Merka e portador d'um identidade propria cimentod ha centena d'ones i enraizod na se forma d'vive na ilhas. Ma konde el ta txga na Merka el ta konfrontá se identidade ke txeu aspects de vida de Merka, i txeu vex ess embate ka ta da de forma dialógica, ou seja atraves d'interkambio de valores kulturais, ma kontrariament el ta da de forma mutiladora, atraves de perda d'identidade i assimilação de valores de sociedade merkone. Ess process de Mascara Branca moda Frantz Fanon tava denominal, ta kriá um desestruturação social i psikológica de txeu kaboverdeanos ta vive ness pais, partikularment jovens, ke e kes mas expostos a assimilação.
Ma no entant ta surgi um kestão: "o ke k'no ta faze pa resisti kulturalment?" ou ainda no ta faze ess provokant pergunta: "Será ke ser kaboverdiano ta signifiká rejeitá kultura merkone?"
Obviamente k'no ta realçá identidade kome um valor de pertença positiva, integradora i dinámika. Ma tambe no ka deve pensa um kaboverdianidade fetxod pa munde i em defensiva em relação a modernidade. Amilcar Cabral tava dze na sis escritos de resisténcia kultural ke o importante e avaliá sempre i objectivamente o k necessário preservá na nos kultura i o k importante d'assimila d'otes kultura. No ta ilustrá ess tese k'análise k Cabral tava faze de preservação de nos linga Nacional i necessidade de prende portugues. El tava dze mesme k portugues foi um dakes maior herança kultural de kolonialism.
Transferind novamente pa cenário merkone, no ta tem ousadia de dze ke ness particular moment ta interessá nos preserva i promove nos linga nacional, ja agora tambe portugues, i prende ingles kun valor necessarie i estrategic. O mesmo ta kontce no tokante a artes, ciencias i tecnologia, ke e koisas k'ess pais ta proporcioná nos, mas klaro sem perde nos tradição i nos manera de vivê. Aliás pa emdjor vivê ness mosaik multi-étniko i multiracial k'e sociedade merkone i pa emdjor participação na Demokracia, tem k tem um autonomia krítica i um identidade kultural prop d'nos.
Se no repará, judeu ka ta perde Judaism pal pode senti merkon, o pal sinti integrod na merka. O mesmo ta kontce em relação a afro-merkones, latines, chineses i otes komunidades k'ta faze merka. Ultimamente no tem notod um certo tendéncia, sobretud na áreas urbanas de Boston, New Bedford, Brockton i Providence d'um certe guetização de juventude kaboverdeana devid a kestões sociais kome ilegalidade, desempreg, insucess eskolar, violéncia i droga. Ess fenómne de guetização ke ka ta vitimizá apenas jovens kaboverdeanos, ma tambe grande parte de jovens de grupes minoritários, deve ser enkarod kome um fenómne k'ta rekere forte organizações cívicas i sobretud sentid de pertença kultural.
Na kase particular de nos jovens kaboverdeanos, ti ta torná tão importante kome urgente kriação d'organizações associativas komunitárias na sentid de desenvolvê programas de promoção de valores kulturais kaboverdianos, de saude públika, d'orientação d'empregues i de definição de necessidades de juventude kaboverdiana. No ta nota ke maior parte de kaboverdianos ta pertence a roll de trabalhadores i kontribuintes d'universs fiskal dakes cidade, embora es ta longe d'obte em paridade kes beneficios i oportunidades sociais k'e ofericid na kes cidades. Naturalmente k'no tem estod ta identifiká alguns programas moda edukação bilingue, MAPS, DSNI i Bowdoin street Health Center, ma tud iss k'e, klaro, importante, e extremamente reduzid pa promovê em exata medida, respostas ke kaboverdianos ta demandá, em partikular kes jovens.
Finalmente no kria alertá k exemple d'Amilcar Cabral deve ser kolokod em perspectiva i re-elaborod a partir de nos vivéncia num munde a kamin de tercer milénio, kujo oportunidades ta apresentá emdjor do k akes sob kolonialisme portugues, embora nem por iss imunes de marginalização i d'alienação. Dai ke no ta ezortá a todes, aprofundament de pensament de Amilcar Cabral no tokante a kultura komo factor de resisténcia i variável de desenvolviment. Ess espace ke nos foi dod pa koncebê ess comunikação e limitod em termos de tempo, de manera k n'ne nos possível aprofundá i detalhá alguns dakes preokupações k foi li levantod. Entretant no ta permití debate i respondê kestões ligod a ess matéria, porkê e de nos profund konvição de k ideal Cabralista de Resisténcia Kultural e ainda, li i agora o ideário fundamental pa afirmação de nos juventude ness poderose i interessante sociedade.
Muit Obrigade,
*Jandir Oliveira, 27, e Licenciod em Ciencia Polítika pa Universidade de Brasília i atualment el e Delegado de ICA (Instuto da Criança e do Adolescente) na Mindelo, São Vicente.
...Bzot fka dret!
...Bzot fka dret!
