Big Time!

Alguem ta lembra dess musika (klika li pa uvi)? Peter Gabriel, Abum "So", 1986!!

The place where I come from is a small town
They think so small, they use small words
But not me, I'm smarter than that,
I worked it out
I'll be stretching my mouth to let those big words come right out
I've had enough, I'm getting out
to the city, the big big city
I'll be a big noise with all the big boys, so much stuff I will own
And I will pray to a big god, as I kneel in the big church

..pois n lembra dele por kausa dum artigo kun le na Visao News sobre Feira de Musica de Cabo Verde, Music Cabo Verde!! Segundo se promotor, Mario Lucio Sousa, "maior feira de música do mundo, onde estará reunida toda a música africana e os maiores produtores de festivais da América e Europa."

{pausa..}
{oi grilid..deskonfianca..}

ok, kontinuando:
E isso mesmo!! Alguem tem k pensa e BIG ka e? Alguem tem k ser e ousod!! Ja ta provod k kerer e' poder!! Enton mais uma vez ML tita da Caboverdeanos um licao de komo pensar alto e almejar sempre patamares mais elevados (Tito? bo ta la??)!!! Tudo em nome de nos Kultura! Muito bem! Alias ja ka e primeira vez k ML tita da nos es licao li. Ja na 2002 a kuando de realizacao de Fesquintal de Jazz foi isso k kontce: el anuncia nomes sonantes moda Chick Corea, Deedee Bridgewater, Josef Zawinul, Herbie Hancock, Djavan, etc etc ...

Bom, na verdade e k nem tud es, alias, nenhum des ka parce prali. Ma mesmo assim ots bem: Youssou N'dour, Mario Laginhas & Maria Joao, Rhoda Scott, etc etc. I el presentea Cidade da Praia k 2 meses de festival de Jazz (as vezes sem mute Jazz, mas isso nao interessava!), muita actividade, muita musika!

Segundo ML, es festival ta realiza na mes de Novembro de 2007 i novamente foi anunciod BIG nomes de musika internacional, moda Stevie Wonder, Gilberto Gil, Cesária Évora i Manu di Bango entre outros. Evento ta konta k participacao de 1500 entidades ligod a musika do mundo desde de realizadores de festivais de europa i brasil a musikos de tud afrika!

Intencao e muito boa i bnit: kria um espace pa negocios de musika, promocao de inkontro entre artistas i kes maiores (outra vez ess palavra!) produtores i managers de mundo inter!
Isso tudo tita ser fete k patrocinio de Presidencia de Republica de Cabo Verde kom a parceria do Governo, n ka sabe se e atraves de Ministerio de Kultura ou se tita bem de ot lode! o k interessa e k governo tita parceriza!

So uns kestao e kun kria levanta (es e txeu.. ma no ta fka so kes li):

1. Monera k isso tud tita ser fete k ajuda de PR i Governo, visto k sempre tem "akel" problema de dinheiro pa kultura i kel famose 1% de orcamente de estado pa Ministerio de Kultura?

2. Porke ke Sr. Mario Lucio Sousa sempre ta konsegui es tais apoios i financiamentos i patrocinios i parcerias??(ka e Tito??)

3. Monera k Cabo Verde um tirrinha k kulturalmente e frekin i k e basikamente novo muito novo na cena de musika mundial, kre faze o k kel tita txma de MAIOR feira de musika do mundo? ta levam ot vez pa kel primer kestao!! Dnher onde k'sai??

Enfim (i jam ta forte dess palavra!!), ta fka outra vesz kel eterna deskonfianca no ar, pamo na CV nada e fete dum forma aberto, klore i transparente. I klaro sempre kel duvida.. sera k isso e mesmo verdade ou e mais um manobra de txma atencao pa algum ot kosa. Sim, pamo no oia k Fesquintal i mais recentemente surgi um empresa ta anuncia Shakira, Djavan, Tracy Chapman (konsulta ess post), i no entanto no kata oia nada disso! Sera mais um "intxadura"? Bom.. moda alguem dze: e oia pa kerdita!

Ah... um rekod pa Tito Paris: da proxima pensa BIG nha broda! ka bo pedi "apoio" so pa traze um orquistrinha nao!! Traze Orquestra Sinfonica de Vienna ou de Londres! Ou sera k e mais do k so pensa BIG? hummmm.. jam fka na duvida, ate porke jam tava ta pensa faze um festivalin de musika alternativa....{suspiro}

...Bzot fka dret! i viva ML!! :)

Fortin Del Rey - Nos Tud Morre um Kzinha!

foto:Pierre-Jean Durieu

E inacreditavel monera k nos politiko ta geri nos terra. Sem kualker senso de ... NADA! katem um ideologia komum, katem um vontade pro-nos terra katem um valorizacao de nos propria identidade, katem respeito pa nos mesmos!! Uniko motivacao e "parce" , ser importante, dze/faze asnera, geri moda "tonte kta da", i klaro kel motivacao kta estod (infelizmente) pa tras de tud kosa grinhasin: DNHER, MUNHA, MONY, FLUSS, TXOTXOKA, KUMBU.... Isso tudo pa introduzi na um tema kun katava ta pensa fala tao mal i tao cedo: Fortim Del Rey na Soncent. Pois Fortin ja era! Governo Central de JMN mais Camara de Soncente dirigid (ou n devia dze ingerid) pa Dra. Isaura, vulgo ZAU, faze o k deve ser pa es negoce do seculo: cede Fortin pa um grupo de estranger bem inseri um belo hotel de 5 (ou mais) estrelas(!!) mais Casino na nome de o k es ta txma "investimento turistico" situod na um dakes ponto historiko mas importante de nos Baia de Porto Grande na Soncent.

Sem kualker estudo de impacto de monera k ess tipo de turismo (bzot pode konsulta site de NIKKI BEACH k kes e ktita bem konstrui i geri es Condo-Hotels, i bzot ta sabe k tipo de turismo no tita fala) tita bem kausa na esse sociedade, sem konsulta ess populacao pa sabe o k k nos pove ta pensa sobre isso, sem faze um avaliacao de espacos e k deve ser prezervod komo parte de nos historia. Simplismente parce prei uns "mas espert" xei de dnher k ja kompra alma de txeu des i kom isso txeu ta kontent pamo jas resolve ses vidinha kun empriguim ou kun estatuto ou kom um traficozinho de influencias i tal... um tristeza.

Nos Me(r)dia komo sempre por fora de tud kosa i sem konhecimento de kausa es ta fala dess kosa komo se fosse uma grande mais valia pa nos terra!!! Na Liberal Online es tita fala de apresentacao dess "mega" projecto komo se fosse uma koisa de outro mundo! Na Festival de Cinema de Cannes (kem diria!! moda kel jornalista dze!) kom delegacoes governamentais... na um dia dedikod intirin pa Cabo Verde! Sera k tud gente ta cego?? es katita oia o k k isso?? K kuatro klik na internet kualker um ta pode fka ta sabe o k k ta pa tras de isso tudo! Nikki Beach e um grande empresa de da festas i promove diversao.. portanto kel apresentacao tita ba kontce kun grupo de artistas (????) de Sao Vicente na um hotel dess mesma empresa (Nikki Hotels), ka e na kel grande Venue de filmes moda txeu gente tita pensa, i ka pa nenhum promocao de Kultura de Sao Vicente ou Cabo Verde!! Pa forma e ktita ser eskolhido kes "artistas" participantes na evento gente ta oia kual k ses intencao!! (pa kualker informacao kontacta Cape Verde Development na Mindelo, Sao Vicente). Um tristeza monera k nos politikos i (ir)responsaveis ta faze figurinha!! Es ta akompanha um delegacao pa um evento k tem um uniko objectivo de promove Soncente komo um destino pa turismo "de passa sabe" (pa ser suave) etc etc.. !! No devia tma exemplo de ots lugar onde k ess tipo de promocao ta desvirtua um kultura, um pove, um nacao, um identidade k tonte ta ksta pa kria!

Na site de NikkiNews tem uns videos de promocao onde k "responsaveis" pa esse grande projecto ta fala (tud na ingles) sobre o k tita ba ser fete. E triste figura kes ta faze kond es ta fala na construcao dum Hotel de 5 estrelas (segundo es o primeiro em cabo verde!!!) i ktita bem traze um ADDED VALUE pa Mindelo!! N tava gosta de pergunta esse "(i)responsavel" s'el tem konsciencia do k kel tava ta dze i se realmente el tem em mente kual k impacto social kess investidura tita bem traze pa esse pove kompletamente despreparod ou se simplismente el tita defende se emprego (k hoje em dia ta tao dificil!!).

Surgi na Soncente um grupo de pessoas ineteressod na defesa de nos patrimonio, es faze um inkontro na CCM (centro cultural de mindelo) pa trata disso; muito boa intencao! ma na nha ver foi um fiasco! Na fim de kel enkontro ka sai nada d konkreto: nem um grupo pa leva em frente um projecto de preservacao de ditos "patrimonios" pa ser apresentod na Camara ou na Assembleia Nacional. Moda tud kosa ness terra, kel enkontro termina na politikices i troka de palavras entre pessoas simpatizantes de kada partido! na fim tava ta parce mas um assembleia de camara ou koisa assim onde k Sr. Moacir Rodrigues (k era um dakes de mesa juntamente ma Leao Lopes) dze algo k txam inkomodod: Passo a palavra ao Sr. Deputado .... para direito de resposta!!!! Paciencia!! Ma isso infelizmente e nos fraka kapacidade de organiza i exerce nos cidadania i faze nos voz ser uvid na kualker tomada de decisao na nos propria terra!! Um vergonha!! Shame on you intelectuais de Rua de Lisboa! Es sabe so eskreve tolices na jornais i fka ta responde provokacoes pessoais em vez de po ses "intelectualidade" em prol de defesa dum povo kompletamente desprovido de kapacidades de defesa de ses prop interesse!

Se no ka korda, koisas dess tipo ta bem kontinua ta kontce na nos terra deboxe de nos nariz i sem no faze nada! Senao um des dias.. ja kata ser "Soncent e sabe e sabe pa k***!", mas sim so ultima parte: "Ja no ka**!!!"

..Bzot fka dret, k mim n ta irritod!

So Pa (ka) Fla!

N tava gosta de sabe o k k pasa pa kabeca de Kamia kond el resolve escreve isso:

Maior. Os portugueses votaram em Salazar como o Maior Português de sempre no concurso da RTP. Isto é...é como se houvesse agora uma votaçao Maiores Caboverdianos - em S. Vicente - e ganhasse o Abraao Vicente. Foi o que me veio a cabeça.

N tem txeu respeito i admiracao pa Kamia, mas.. enfim... ki iss??
...bzot fka dret!

Os Novos Donos Da Cidade Velha

foto: Helene Douay

N kria txa a bzot konsideracao um texto de Margarida Mascarenhas (Guida), sobre monera k estrangers tita tma ess terra d nos deboxe de nos nariz (k ajuda de nos governantes klaro) i nada no katita faze pa isso! Por favor bzot lel k muita atencao...obrigado!

PROIM – TUR: OS NOVOS DONOS DA CIDADE VELHA :: 200$00 PARA VISITAR O FORTE DA CIDADE VELHA

Mais uma vez senti vergonha, ódio, raiva, do que se está a passar em Cabo Verde. Senti-me responsável mas dominada por um enorme sentimento de impotência.

Domingo à tarde, resolvi passear por um dos lugares para mim mais especiais, aqui em Santiago: a Cidade Velha. Saí de casa com o intuito de desfrutar de uma das vistas mais bonitas de Cabo Verde… o Vale da Ribeira Grande, que mesmo sem água se casa com o mar infinito.

Parei o carro e logo de seguida, um senhor se aproxima e me diz: senhora é preciso comprar bilhete para entrar. Bom, pensei, deve ser um valor que ajuda a manter este guarda e de certa forma, cria-se um fundo para manutenção do património, que neste dia estava a ser embalado ao som de Julio Iglesias (coincidências). O senhor entra na bilheteira e volta com os bilhetes e me diz: 200$00 cada um!!!! Por uns instantes achei que fosse o total mas não.

Aí eu lhe disse: vocês não estão propriamente a cobrar uma entrada…isto é quase um assalto! Ele me respondeu: Dona, sinto até vergonha mas são ordens e eu tenho de cumpri-las. Engraçado foi que no momento em que eu pagava os bilhetes, e resmungava, apareceram dois espanhóis, que estavam num PRADO, com matrícula amarela, e que não queriam pagar, porque *2€* era muito dinheiro.

Quantas famílias, aqui em Cabo Verde, não vivem com salários de 10.000$00 a 15.000$00?! Lembrei-me das empregadas domésticas, que normalmente ganham isso, e muitas vezes são o único sustento do lar! Elas jamais poderão visitar este lugar. Um casal com 2 filhos paga 800$00 para visitar o forte. Numa família com um rendimento de 15.000$00, estamos a falar de quase 5.5%de seu salário. Deveria dar que pensar o facto do espanhol ter achado 2€ caro e nós, para a nossa gente se achar o preço justo… Mas pensando "bem", quem é que disse que nós, nacionais, somos TURISTAS?

A nossa Cidade, recém restaurada através da cooperação espanhola e portuguesa, acaba de ser entregue, qual verdadeiro cabaz de Natal que inclui o Forte, o restaurante do pelourinho e a Pensão, à PROIM-TUR, uma empresa turística, de capital espanhol e que tem à frente uma importante figura da mencionada cooperação, espanhola, e de quem ninguém cita o nome. Por seu lado, o nosso responsável da cultura, consegue ver o lado bom da coisa, e dizer que isto é um sinal de que as relações com a Espanha vão bem.

Minha gente, eu vejo isso com outros olhos. Os nossos governantes, fecham-se em salas e decidem que parte deste país vão vender e a que preços vão fazê-lo. E eu pergunto-me: isto aqui é de todos nós? Que palhaçada é esta de conceder a uma empresa privada espanhola, a nossa Cidade Velha, um símbolo da nossa identidade e história, assim de bandeja, a uma entidade cujo único objectivo é obter lucros. Em que moldes foi feita esta concessão? Que parcela dos lucros se prevê re-investidos no mesmo local para manutenção e melhorias? Onde estão os contratos pois, eu cidadã cabo-verdiana, quero vê-los.

CONCURSO? Como foi feito? Quais foram os critérios de escolha? Considerando que está entre o s objectivos essenciais da privatização o reforço da capacidade empresarial nacional além da participação dos cidadãos nacionais na titularidade do capital das empresas, qual a opinião da população local? E dos empresários Caboverdianos? FAÇAM-SE OUVIR!

Quem me conhece sabe o quanto desprezo a mediocridade e a péssima qualidade dos prestação de serviços deste país, que se esconde atrás da tão famosa "falta de formação", justificação com a qual não concordo. Reconheço que o atendimento melhorou, mas exijo que as coisas sejam feitas com seriedade. A população local já manifestou o seu total descontentamento, a sua revolta tendo já deixado placas à porta do restaurante do Pelourinho, com frases como:" Cidade é kâ di Daniel!!!!!!!!!!!!!!!! "
Quem será este senhor?!

Margarida Mascarenhas

...Bzot fka dret!!

4953

...e numero de dias kun vive na Praia desde kun txga li na dia 3 de Agosto de 1993! Pois e', na dia 28 de Fevereiro de 2007, n ta kompleta um ciclo de nha vida i n ta segui pa ot! Moda Manel d'Novas dze "teve sabe i margoss". Ma n ta preferi lembra so dakes "sabe".

N kria atraves dess Blog, expressa nha OBRIGADO pa tud kem k dum forma ou de ot faze parte de nha vida durante es 13 one i tal na Ilha de Santiago... tonte a nivel profissional (na Aeroporto Francisco Mendes/Aeroporto da Praia), komo a nivel musikal i pessoal!

N teve sorte de trabaia/vive perto de pessoas grandes! Seres humanos kum espiritualidade bastante elevod. N teve sorte de pode expressa atraves de musika! N teve a sorte de toka na ARKORA!! ..i txa um bokadin de mim na musika de Santiago/Cabo Verde.

Muito Obrigado nhes amigos (bzot sabe kem k bzot!!!!) i n ta espera k nha distancia so ta sirvi pa aproxima nos ainda mas txeu!

...Bzot fka dret!

Carnaval

(foto: Paolo Manzoni www.caboverde.com)

Segunde alguns peskisadores, carnaval teve se origem diazá na mei d'munde! Sim sim.. mas antig do ki tempu de kanikinha! 10 mil on antes de Cristo. Es ta kontá k amdjer ma home i meninos tava sai na rua na verão tud maskarod i k korpe pintod, pa espantá kes demónios de mau kolheitas! De kualker manera es ta dze kma se origem e um bokod obskure! Tem kem k ta dze k ses primer manifestação teve origem na Roma, ligod a kes famose rituais de orgias kes tava faze pra lá, onde k rei Momo e um dakes forma de Dionísio - deus Baco, kel rei de vinho, lazer, festas (sera k el e k e rei de paródia??), inserid na festejos de kolheitas, sempre nakela de komemorá vida i se renascer! Ou seja, karnaval, seja el de onde kel bem, sempre el foi karaterizod pa festas, divertiment publik, boi de máskara i manifestações flokorik.

Mesmo ess term "Karnaval" tem origem es ka sabe ao certo ondê. Embora es ta dze ma na latim medieval ja era possível otxal como Carnem levare ou Carnelevarium, palavras de sec. XI i XII, k tava signifiká véspra de kuarta-fera de cinza, ou seja, kond tava komeçá abstinéncia de karne durante korenta dia k katólikos ka podia kme karne, k'ta bá terminá na Páscoa.

Brasil sem duvda e ktem karnaval mas famose de munde. Ma ses karnaval foi levod pra lá, na ano de 1723, pa portugueses de ilhas de Madeira, Açores i de Cabo Verde!! Sim, de Cabo Verde! Na princípio ate el tinha nome de Entrudo por kausa de influéncias directas de portugues, k tava txma assim, kes brinkadera kes tava faze na rua: guerra d'agua, farinha (kem k kata lembra de levá k farinha na kara na soncent!). Hoje em dia es "batalhas" e de konfete ma serpentina.

Na Cabo Verde kond no ta falá de karnaval, automatikamente no tem k referi a karnaval de SonCent. Embora pa tud ilha (uns mas do ki ots) e possível otxá manifestason dess festa e k'ta kontagiá kualker um! Um kosa k devia ser espiod na CV: Vocação kultural/flokóriko de kada ilha i es responsáveis de kultura podia investi k'mas precisão onde k vale a pena!

Ess one li, segundo Inforpress, na SonCent, pa desfile principal de hoje terça-fera dia de Karnaval, tita ba sai 4 grupo, i um des e Maravilhas do Espaço, dpos de ter estod ausente pa um data d'one. Desfile ta komeca 14:30 i ordem de passagem e: Jovens de Monte Sossego, Maravilhas do Espaco, Sonhos sem Limites i Flores do Mindelo. Ma klaro la karnaval komeçá desde ha muito tempo! Se no levá em konta k karnaval e manifestação de celebração a vida, enton la karnaval e ka so 3 dia: e permanente!

Cesária Évora ta kantá "São Vicente e um brasilin...", ma alguem tinha dzid: Nah! Brasil e k um São Vicentão!

..bzot diverti ness karnaval, bzot fka dret!

Protocolo, Shakira, Djavan & Cias!

Liberal-Online publika um nuticia sobre realizacoes de alguns koncertos na Estadio da Varzea, kom a producao de kel empresa k agora tita explora (???) kel espaco. Jam tinha uvid uns zun-zun sobre isso.. ma mim n pensa ma era goze! Bom, d kualker manera n ta espera ma kata ser goze pamo ninguem ka pode estod ta goza k kada um dess manera! Mas, pronto, vejamos porke kun otxa ma era goze:

kel noticia ta dze ma Protocolo (ess tal empresa, k ainda n ka konsegui decifra kual k ses real vocacao!!!) tita bem desenvolve ao longo do ano, atividades (???) i de entre es atividades ta destaka vinda de alguns nomes (alguns bem sonante na panorama de musika pop internacional) pa toka na estadio da varzea!! Ok, e sempre bem vindo atividades dess tipo.. ma kond se trata de traze Shakira, Djavan i tal, kosa ta muda um bokod de figura. Protocolo foi empresa k "geri" festival de Gamboa 2006 i nos tud oia frakeza na se realizacao (tanto a nivel artistiko komo a nivel tecniko) pois, nessa base e kun estranha es kre traze pa Cabo Verde artistas k e so ba na ses site e oia ses agenda, lugares i tipo de producao k no tita fala li!! No tita fala de koisas BIG!! So pa exemplifika, n ta txa li um extracto, trod na www.shakiramedia.com:

(klika na imagem pa oial mas grande)

Por isso.. senhores de Protocolo, se bzot tiver ta fala serio, sim senhor, parabens pa bzot iniciativa! Ma se for mas (usond um expressao bem adekuod) intxadura, dakel tipo k foi usod na realizacao de Fesquintal (bzot kata lembra ma es kria traze Chick Corea, Herbie Hancock, Josef Zawinul, Deedee Bridgewater, Djavan) por favor bzot ba ta esklarece desde d'agora pamo ja no ta forte de aproveitadores, de enganacoes i falta de respeito!

...Bzot fka dret!

Trás Di Son

Nunka n tinha falod de traboi de Djinho Barbosa antes. Ma por hoje ser dia, digamos, de verdader lançament de se traboi, txam aproveita pam dze dos kusinha sobre ess traboi. N dze "verdader" pamo tud gente k akompanhá ess traboi sabê ma teve um apresentação na kintal de Palácio de Kultura Ildo Lobo na ano passado, k ka txga a ser um lançamento na verdader dimensão de "Trás di Son".

Hoje na Centro Cultural Francês de Praia, tita ba realizá um koncerto de Son, Imagem i Palavras, kom realização de Djinho Barbosa (na produção musikal) i César Schofield i João Vieira (na produção visual). Ideia e kriá um dimensão sonoro-visual-textual k e o k realmente "Trás Di Son" e!

Txeu gente kun fala ma es sobre ess traboi (kes pok e k'uvil) es transmitim, sempre, um opinião meio desnorteod, digamos assim. Txeu des dzem ma es fka k impressão ma CD e um bokod "misturod" em termos de ritmos, estilos i mesmo de sonoridades (timbres utilizods). De Certa forma es tem razão! Trás di Son e isso mesmo: um prokura de sons, timbres, estilos, formas de interpretá, de kriá, de apresentá!! Ma klaro k nem sempre, i dado ao hábito k no tem estod ta tem na nos meio musical profissional (k tem estod ta faze txeu traboi comercial de bom kualidade), ta fka difícil digeri a primera um traboi apresentod assim.

No tem estod ta assisti a kuase um ditadura de "trabalhos akústikos" k kuase ja vrá primera regra pa traboi ser aceite na ess meio (mute pikni) de apreciação musikal. E kuase um show hoje em dia uvi um artista ou ate pseudo-artistas ta dze "nha novo projecto e um projecto akústiko, bla bla bla bla.."!! Kual e'!!! Musika e musika não obstante monera kel e tokod!! Akústiko, eléctriko, electróniko.. el tem e k'tem kualidade i toká gente na alma!!(pa ser breve!). Pois, traboi de Djinho pode ser konsiderod um traboi de fusão de isso tudo!! Acima de tudo um traboi bastante ousod i desprendido de kritérios imposto pa "kel tal produtor", k kre antes de mas nada agrada estrangeiros, k sinceramente kata intende mute de musika i k'ta otxá ma "afrikano" tem e k toká mal i sempre na kes mesmo linha de koncepção reduzid i desprovido de rikezas harmónicas (rekorendo a Kuame Gamal) i ousadias em termos de arranjos i mesmo de produção musikal em si, na estudio!!

Pois, primer passo pa txá musika de Djinho Barbosa tx'gá na bo: despi de prekonceitos!! Esvaziá bo kabeça (Bari Kabeça) de imposições komerciais de musika de cabo verde! Eskce o k já foi fete.. ou k'já bo uvi. Simplismente po kel CD i tentá akompanhá kes musikas k ses letras pa frente, porke kada arranjo tem tud a ver k kel texto, k kel sonoridade usod.. k kel artista konvidod.

Klaro esta k ess e um traboi independente, i nos tud sabe k num traboi independente orçamento e muitas vezes bastante reduzid. Alguem tem k konta k boa vontade de outras pessoas i produção kata ser realmente moda no kre! Isso pa dze k e normal k pode tem koisas na CD k realmente podia ser fete de ot forma: um exemplo des e txeu rekurso a programações i sekuenciamentos em vez de po mesmo um baterista ou baixista ta toka! N ta kerditá k se produção tivesse orçamento suficiente pa isso katinha duvidas ma tud kes musikas era tokod mesmo em vez de ser programod, o k k tambe kata txa de ser um forma de toká. I depos tem kel kestão de disponibilidade de músikos li na Praia pa faze isso (isso e ot estória pa tratá dpos: porke k músikos ta tão difícil na ess terra??). Ma pronto, o k kun kre dze, e k important li e kel konceito i não forma kel e apresentod!

Trás di Son de Djinho Barbosa konsegui um feito k ate então n ka oia nenhum artista independente (sem produtor xeio de lobbys i defeitos) faze: reuni tonte músikos! Sim, leque de músikos ta bai desde de grandes profissionais i pilares de nos kultura (Paulino Vieira, Kaká Barbora, Kim Alves, Albertino, Russo, etc...) a ilustres deskonhecido(a)s (Annie, Xiomara, Claudia, Debbie, etc...)!! Kada músiko konvidod trazê um parte del mesmo pa ess projecto! Trazel sem pretensões, sem imposições.. simplismente k txeu vontade de kontribuí pa um projecto bnite i xei de alma!!

Pa terminá: n ta dze sempre txeu pessoas k kond es kre de certa forma intende emdjor ess CD, pes uvi primer ultima musika "Son Kompiladu", pes uvil k muita atenção.. pes segui kel mensagem k Djinho kria transmiti tonte a nível musikal komo líriko! Sim... axo k so dpos de "intendê" mensagem dess tema e possível intendê resto de CD!

O kun eskreve li e pok pa expliká o k realmente ta "pasá" na CD de Djinho, por isse, kem k puder, bai hoje na CCF 21:30. I se kalhar algum kosa kun dze li e kapaz de faze sentido.

**Trás di Son, di Imagen, di Palavra**
CCF - Praia 21:30 entrada 300$00
Djinho: Keyboard, Guitarra Akustika & Voz
Ricardo de Deus: Piano
Kiso Oliveira: Baixo Electriko
Duka: Guitarra Electrika & Keyboard
Jorge Pimpa: Bateria
Victor Bettencourt: Percussao
...& konvidados surpresa!!

...Bzot fka dret!

*kem kiser sabe mais sobre CD, Djinho, ou simplismente matá kuriosidade, pode bai li: Trás Di Son

TCV - Sim Senhor!

Sim senhor!! N fka espantod k ousadia i kualidade de reportagem k'es passa a dias na noticiário de TCV sobre kel rampa de Achada Santo Antonio... kurt & gross! Es ptá kosa na klore komo deve ser fete: na jete d kem k ja kansá de tonte desafor i falta de respeito dess Camara de Praia. Tonte k logo na dia seguinte n oia movimentações na kes traboi de kalcetamento... bom, pelo menos es amontoá kes pedra num lugar so!!

Sim senhor, bzot kontinuá ta trabaiá assim!.. ma so um kusinha: ka meste bem "gabá" kel ot dia pa!! hehehehe..

...bzot fka dret!

Vencedor & Vencido!!!!

Vencedor:
adj. e s. m.,
que ou aquele que vence ou venceu;
homem vitorioso

Vencido:
adj.,
que sofreu derrota;
que foi subjugado, dominado pelo adversário;

...ate li nada de novo ka e? Nada k ninguem ka sabe! Pois... agora no faze um pekeno exercício, no panhá es dos palavras no metes na seguinte kontexto:

Normalmente n katá uvi rádio! Nenhum! n ta otxa sinceramente k es rádios nacionais e uns veíkulos de inkultura & burrice (ate ta parce nome de um grande empresa)!!! Tonte kun katá nem ta bem perde tempo na fala des. Moss...! e tonte k dze! Ma pronto, deve ter sido acidentalmente kun abri rádio na korre i por akase tava sintonizod na Rádio Comercial FM 99.9 i tava ta dekorrê um entrevista ma directora de Escola Cesaltina Ramos sobre kel acto violento e k kontce la, ondê kun estudante de 15 one de idade matá ot kolega a fakada!!! .. n otxa interessante i visto k era um assunte k'tava interessam sabê mais, n kontinua ta uvi!! N ka sabe deskreve kel entrevista!! Es tava ta falá kun naturalidade/banalidade inkietant sobre um assunte k devia ser tratod k mas seriedade i gravidade, kun fka tan (sem kerditá)!! Senhora Directora d'pos de dze uma serie de disparates (pa ser suave ma ela) ela remata k chave d'or:

"[...]Nós temos que meter na cabeça que houve uma briga [...] e todos nós sabemos que numa briga há sempre um vencedor e um vencido[...]"

..n kria so dze um kosa: se 'n tivesse fidje na kel eskola, kun directora dess kalibre pa se frente, n tava tma um atitude mute rapidamente: tral da la!!

...bzot fka dret.