N tem k da parabens pa iniciativa de cria um site (nao oficial) de Orlando Pantera! n ka konxe ess pessoal pa tras dess site (Mic Dax & DurmiPtizim), ma n tem k dze ma es ta intende de web design i es sabe o k kes tita faze na ess kampo..
site e kool.. bom design... bom kontraste.. bom navegacao.. rapido! em termos de konteudo es dividil na 5 parte: INDEX - onde kes ta deskreve ses objectivos, BIO - biografia de Pantera, AUDIO - k alguns clipes de audio, PHOTOS - alguns fote i TEXTES - letras de alguns musika! n tem k faze um nota pa o seguinte: ess site e tudo em frances.. o k ta leva a pensa ma es ka krial kom o objectivo de ser visto pa pessoal de cabo verde!
n ka sabe onde k ess pessoal (axo k es e frances ta vive na mindelo) teve acesso a tudo ess informacao! por akaso n tem k dze ma es tava tud bem informod ate txga na ano 1999!! sim.. ai kun kria perguntas (ou alguem k podia respondem...) porke k es omiti tonte kosa! por exemplo es ta dze assim na 1999:
" * Première à Lisbonne du spectacle de danse "Pêtu" de Raiz di Polon, sur une musique composée par Pantera.
* Compose avec João Lucas la musique du spectacle "Dan Dau" de la compagnie portugaise Clara Andermatt."
Ok?? so isso? ka kontce mas nada na vida de Pantera na 1999?
Por inkrivel k pareca, i n ka sabe se foi propositado ou nao, es OMITI por kompleto kualker referencia a GRUPO ARKORA!!!! porke? por falta de konhecimento ou simplismente intencional? n ka perecebe... visto k na 1999, mais precisamente na fevereiro Pantera toka na CCM akompanhod pa um grupo de "amigos" i logo de seguida kond el volta pa praia foi fete um novo koncerto na Clube Nautico da Praia onde k foi apresentacao oficial de ARKORA (dia 27 de marco de 1999)!! sim.. ma es mesmos amigos k tinha ido ma el pa soncente...
ARKORA pakem k ka sabe: esse nome ta bem de iniciais de elementos k tava kompo banda na altura de se kriacao (sim, porke dpos, na outubro de 1999 entra Ricardo de Deus pa piano): A-Angelo, R-Raul, K-Kiso, O-Orlando mais uso de palavra RA - de Deus da Kriacao ou seja.. objectivo era nao so kria um nome catchy ma tambe faze um alusao a kriacao! k era o k maltas tava ta faze n'altura. Banda ta de pe ate entao k seguinte formacao: Angelo, Raul, Kiso i Ricardo. Es tem estod ta akompanha i faze traboi ma txeu gente dess nova geracao i nao so... ma isso e assunte pa ot post.
Ainda na 1999 ARKORA faze mais um koncerto so: dia 25 de dezembro na praca de Praia! Ots koncert teve agendod ma motivos de forca maior (de kel mas grande prop!) ka txa isso kontce!
Na 2000 ARKORA toka na Festval de Gamboa - Praia, Hannover EXPO 2000 - Alemanha, Festival de Baia das Gatas i por fim na Sete Sois Sete Luas na Sintanton. Durante ess mesmo one teve actuacoes tambe na 5al da Musika na Praia i tambe na Pub Cruzeru (Tex).
Na 2001... i mais uma vez Mic Dax eskce de menciona... apos desapareciment fisiko de Pantera, ARKORA foi konvidod pa faze abertura de Festival de Gamboa em gesto de homenagem akele k pertence esse mesmo grupo! Kanta ma ARKORA, komo konvidados, Princezito e Mayra Andrade (primer aparicao de Mayra Andrade pa um grande publico)!
E isso Max!! Por favor... i mais um vez n ta pedi.. kond bzot kiser tem certezas de koisas.. bzot pergunta a kem k sabe realmente monera k koisas passa ta bom?
Kuanto a referencia a kel "excelente documentario de Catarina Alves - Mais Alma".. dpos no ta fala sobre isso ok?
Parabens pa site e obrigado pa parte e kta tokam... ma por favor.. faze es korrecao i bzot ta fka mas perto de verdade!...Bzot fka dret!
26 comentários:
Kisó so passau pa cabeça dexa di fazi posts mi mé n ta bazau di pó!Bu sta fazi um bom trabadjo, ta poi dedu undi ninguém ka ta poi so pa comodidade!Acho ki gentis ki fazi kel site la es é mesmo francês, e sima bu fla es é pessoal ki cre bendi cavo verdi a qualquer custo sem nem sequer tenta tem informaçon correcto! Bom um grande abraçu, nhu continua
Fixe pa sabi significado di ARKORA.
Bem conseguido, nome de grupo, de facto catchy e co bom significado.
Thanks pa info.
Um apreciador di (boas) criações
Kiso, nsabia disso tudo ma agora bu dan el tudo por escrito i e sta bai directo pa pagina di ARKORA na sondisantiagu.
Keli ta tchomado cooperação sul sul.
Fica dretu!!!
djinho
Arkorá é um excelente grupo. Um pilar na moderna música cabo-verdiana. O pessoal é criativo e cult. O nome vem de um processo interessante. Vivendo e aprendendo...
Nhori fika dretu.
Oi gente,
E stranho: m'ta fca fliz e triste. Fliz mod m'fazê ess site pa malta ké gosta de Pantera, e m'ta contente kond bzot dam mais informaçon.
Triste mod, as ves, gente é prop d'kel mau: am fazê ess site mi so, sem ajud de ninguem. Pamod am xiga na CV na fim de 2000, m'ka podê sabê tud, é normal, né? Ess site né terminod, ainda tem tcheu pa dzê, e m'ta continua de completal tud vez k'm'ta encontra novidades. Ma tambem, m'krê fazêl dret: m'cris fala de Arkora, ma mod m'tava falta de informaçoes, m'ka pud, e m'tava spera de podê bai na Santiago pa sabê mais (li na Mindel, gente ka conchê Arkora).
M'crê dzê tambem: se nha site é so francês, ka é pa falta de respeito. M'atrasa pa fazê kel versão português, bzot ta dsculpam.
Pa termina, m'ta fca spantod kond gente (na comentario) fala de "pessoal ki crê bendi cabo verdi a qualquer custo sem nem sequer tenta tem informaçon correcto": moço, bô é um burr' d'kel grande. 1: m'ka crê vendê Cabo Verde, m'ka ta ganha nem dez paus ma ess site, m'ta gasta dinheiro pa fala da cultura caboverdiana na mund inteiro (e bo? o k'bo fazê?), pamod m'ta gosta dess cultura, pamod m'ta respeital. 2: se nha informaçon ka é correcto, dam um help, ijdam, invês de dam paulada.
wow!!!! mix!!!! finalmente!!!!! ja tem um data de tempo k n tava tras d bo!! n mandob msgs na bo forum... nada.. n txob um msg na bo site de pantera..nada! pois 'e man... jam tinha ate boi mandod um email onde k bo tinha fete um analise de primer cd d tcheka.. ma nada! ka restam ot alternativa do k postal li na esperanca ma bo tava parce prei!!! i finalmente!!!!! pois! e moda n dzeb.. n ta li ta isdob po kosa na kamin dret... bo sabe nha intencao e ka kritikob nem nada disso.. ate porke mi n ta elogia sempre bos site!! (mindel info... cezaria.. pantera etc!!) n ta otxa ma bzot ta intende de design dret p'afronta!! k bzot ta intende dess assunte prop dret! kela n katem nenhum problema na dzel! bzot e bom porra!!!! ok.. ma pronto,.. n ka kre tambe kontinua ta isda a mante um mintirinha dzarent e ktita xetiam ja tem uns tempos: verdade sobre traboide pantera! oia.. maior parte de pessoas e kta fala d pantera hoje em dia.. e pessoas k ka konxel dret... um bando d oportunistas etc i tal...ka vale a pena fala des agora! so n kria dzeb k jam fka mute kontente d bo ter parcid pra li!!!! fka dret man!!!!
kontinua k bos site, kontinua bo bom traboi.. i dpos n kre sabe monera k possivel kontactob pa uns possivel traboi de web!! certo?? kool!!!!
pronto ...
e tudo está bem qdo acaba bem!
ou será que começa bem?!
claro q sim.nhos djunta mon (ups,nhos djunta site eh eh)
humildade e colaboraçom mutuo ta da sempre bons resultado, ê ca nenhum frase, ê nha experiência q ta flam. força maltaz
Dom Caps
Kiso, ainda m'ocha stranho k'bo fla m'tem k' "po kosa na kamin dret" e k'bo ka t'pode ijda "manter un mintirinha dzarente".
A m'ocha "mintirinha" e "kamin dret" mut exagerod, so pamod m'ka fala de Arkora na nha traboi. A m'dzel, né facil aranja informaçon sobre Arkora, m'tava spera encontra mais cosas antes de screver asneiras. Por acasa, mi né culpod se pouco gente fala de Arkora. Dpos, kond bo t'pergunta se m'squece de Arkora de maner "intencional", bo t'fazêm sorri: al volta quase um paranoia, né? Ka tem crise, Kiso: am squece, nem mais, nem menos, sem nenhum vontad de fazê mal, e acho que até agora, el né um crimo contra humanidade.
Mesmo assim, sem fala da 8a maravilha neste mundo (Arkora) (wow, brincadeira, wow), sem ser showente, m'tenta fazê um site bastante completo sobre Pantera, e inda aoje m'têm vontad d'oial vra mais rico, mais completo, mais cheio.
Acho que Pantera, sima qualquer musico, ka ta pertencê ninguem e que ka tem "uma e uma so" verdade sobre Pantera: tem sentimentos, tem coisas pessoais, Pantera é pa tud'gente, até d'maner differente pa cada um. Cosa simples volta chata kond gente crê inventa religion.
A m'repara a cosa seguinte: pamod Pantera tava ijda mut gente, pamod el ka tava pertencê ninguem, agora tem um bom bokod de gente ké dzê kes sabê mas do ke tud gente, es salta e es grita "mim! mim! m'sabê! es não! mim!", nha e-mail ta cheia dess testemunhos privilegiod. Am conxê ess tipo de comportamento na França, pa outras artistas: ess guerra ka ta interessam, e m'ka ta tenta sabê quem fala verdade e quem fala mentir. Mais importante é assim: Pantera toca mut gente, el fca na coraçon pa uns geraçons. Gente ta podê salta e grita, nada ver: daqui 20 one, daqui 40 one, é musica de Pantera k'ta fca.
E so pa brinca: Khym Negoce (LG) e Arkora tive idea igual, es kria "Khym" a partir das iniciais dos socios, es tambem. Mut original, parabens.
Fca dret, gente.
PS: se tem gente interessod pa ijdam fazê traduçon badiu, é a vontad!
mic dax... n kria isdob.. ma realmente kuase bo tita pensa (moda um data) ma nha vontade e parce.,.. nada disso man.. n katem kel necessidade la.. nunka n tive nem n katita bem tel... realmente kosa e moda n dzeb.. mas se bo kiser kontinua na bo posicao.. i ta otxa ma arkora e 8tava maravilha do mundo.. (mesmo na goze) bo pode kontinua... realmente bo txa transparece ma bo ta pensa ma bo tem infos seguros.. i k tud dia ta txove na bo email pessoas k kre dze sobre el.. ok man! kontinua assim.. jam kata pode faze mas nada pa bo! kontinua na bo manera.. na bo mintirinha i rudiod d pessoas e k pensa ma es konxe koisas! ta dret! i kuanto a kel nome ARKORA.. uniko kosa kel tem d original... e pessoas e kta faze parte dele! bo ka meste ironiza.. ta fkob mal... porkuanto bo e k meste mante um site dedikod a um pessoa k tem muita koisa pa dze sobre el..ma ka pa vadu ou ots pessoas k se kalhar bo tem tido komo "pupilos" de pantera... ou mesmo k pantera era ses mestre!!..enfim!
bo perde boa oportunidade de sabe d koisas manera k kontce prop.
fka dret!
pronto ...
ainal nem tudo está bem ... qdo começa mal ..
más 1 bez, falta algum humildade (palávra muto na moda na criolos eh eh) e colaboraçom mutuo
e nha experiência ta flam:
criolo, povo orgulhoso, e orgulho às x, só atrapalha
enfim
Dom Caps
Tont'modestia, m'ta fca calod...
Kiso, c'bô licença, m'ta fazê kes coreçons na kel site (nunca m'recusa fazês). Ma m'ta continua de pensa na mesma k'nada tava justifica bôs palavras de "mentirinho" e de "kamin dret". M'tava gosta bo fala d'mentir pa kel comentario xenophobe (bendi cabo verdi: ignorança da gaita) k'acompanha bô post.
Fca cool rapaz,
Mic.
Mic... n ka kria estod ta prolonga ess kosa mais.
N ta respeita se bo ka kizer faze nenhum mudança... i nta proveitá pa pedi deskulpas se palavras "mentirinha" i "kamin dret" ofendeb d'algun forma (e k bo kata faze ideia de mentiras i koisas fora de kemin e kta existi em torno estoria de Pantera... kerditam!. Kuanto a kel komentario sobre "bendi cabu verdi"..mi normalmanete n kata da muita importancia a "komentarios anonimos"... n ta kerdita k bo tem fontes seguras onde k bo tra infos pa bo na bo site. n sabê i jam tinha dzid, k bzot (mic dax & durmiptizim) e muito profissionais na bzot traboi.. mas n kria so akrescenta algo mais na BIO de O.P. Ma moda bo dze.. pessoas pa isdá e u k kata falta ka e? ta fka nha intenção. Bom traboi!
Ola Mic Dax, sorry, pamodi mim entra na bu "guerrinha di pateta" ki bu sta na el sobre Arkora e ta bomborida Kiso, ki kis ajudau, mam mim kre flau so um kusa, kes kusas ki bu skrebi kiso sobre infos ke dau, so ta lebam a pensa ma bu sta na linha di kes gentis sima um alguem fla "(...) pessoal ki cre bendi cabo verdi a qualquer custo, sem nem sequer tenta tem informaçon correcto", trabadja sim, sima desiner ki bu é bom realmente, ma dexa matéria di komentários sobre o Mologrado Orlando Pantera pa kem realmente sabi di kela, fika dretu e toma juizo, mos,......
Kiso! dexa kes gentis pensa kuse kes kre ma ka bu kala nau, força Brother.
Houss
Oi Brother Kiso, mim sta di bu lado sempri na info CV, realmente OP é um matéria mediatiko, e pelos vistos sta da pa txeu arguem sta poi katxupa riba, sta fixe, penas é ki so agora lembrado del, pamodi kuando el anda pé na txon pariba e pa baxo ta pide kuase "zimola" pa djudal fazi se projekto ningém ou kuase nimgém ka djudal e anoz nu podi papia ku tudo autoridade, ma prontus kusa di bida é si própi, ma ess assunto ainta ta bem papiadu del, sem "mentiras", bom, sobre kel Mix Dac, teve um papel infeliz na se apariçon, visto ki bu tive várias tentativas di dal fala pa positiva e el bem entra numa de, Megalômano não: Mestre de um Universo, ke tristeza, paxenxa....
nta fika pali bem haja KISO
Um abraç HOUSS.
"ma dexa matéria di komentários sobre o Mologrado Orlando Pantera pa kem realmente sabi di kela"
Sim senhor Houss, sim senhor. Bo é ké manda, né?
Am dzel, m'ka t'entra ness guerrzinha entre gente k'dzê kes sabê mas do ke tud'gente, sem podê prova nada. M'ta respeta Kiso, sima m'ta respeta tud gente dret. Kiso e mi, nos é dos pessois drêt, bnit e simpatik (ok, el é mas bnit, ma el é mut mas pikini tambem). E pamod Arkora fazê parte, sem duvda, da historia de OP, m'ta scrévêl, m'ka tem problem.
Ma tud ess confuzon entre gente parod e bazof ka ta produzi nada, e m'tem diret de imagina k'Pantera ka tava gosta nada disso. Pantera era musico & musica, Pantera ka era profeto, el ka inventa religion, el ka era Marley, e aoje no ka ta mextê de padre/bispo pa dzê ke no tem k'pensa assim ou assim. Nada ver.
Musika é liberdad, musika é kosa pa kebra limites e fronter: m'ta dxa bzot dois, bô e bô vontad de controla tud pensamento, expresson e sentimentos de gente bo ka t'nem conxê. Se calhar bô ka consulta kel site scrivid na francês, e bo t'fala sem sabê.
E de nha lod, m'ta continua de produzi kosa pikinoti, trankil, sem fazê nem bizness nem gloria. M'tem um vontad e um so: partilha. Kem ka crê partilha podê cala ou leti, comboi ta passa.
Respet, shalom, ciao.
E de nha lod, m'ta continua de produzi kosa pikinoti, trankil, sem fazê nem bizness nem gloria. M'tem um vontad e um so: partilha. Kem ka crê partilha podê cala ou leti, comboi ta passa.
pois é Mic. kelá tambe era nha vontade: partilhá o k kun sabê.... ma n takerditá ma e sempre bom dze koisas moda es e. kuanto a prová o k kun ta dze..n ta pode provob es.ma axo kun ka meste provob nada. jam tinha dzid kun katava prolonga ess kosa li mais, ma ess blog e aberto i komentarios e livres. kada um ta assumi ses komentários. Mi so n tava gosta de um dia pode ter chances de fala ma bo.. não pra li. mas pessoalmente. ate lá!
fka dret
Hi Mic, Ki tal, moki bai?
Sim senhor Houss, sim senhor. Bo é ké manda, né?
mim ka ta manda nada, apenas mim kria felicitabu pa koragi di tem um site sobre OP, diga-se di passagi muito bem feito, e nka sabi realmenti si bu tem direitos di img sima bu fla, ma nu ta djobel si bu kiser, nka sta li pam briga ku ninguem mas apenas kulabora ku kultura, sem tra nenhum dividendo del, até porke mim sempre foi apologista dum kultura liberal e pa tudu alguém, agora nkta ta ademiti alguem fazi joguinhos di palavras ta fazi xuxadera ku pessoas ki mim ta gosta txeu sima Kiso e nem ku ARKORA, undi mim ta fazi parti, assim komo mim ta ta dimiti fazi xuxadera ku Kabuverdianus ao pontio di bu fla ma bu kria traduzi bu site na Badiu, badiu é kaboverdianu sima tudo kes otus, ok? mas tudo bem fika dretu e si bu kiser papia ku mim nsta disposto ma no kau ka keli ok, Fika dretu.
Houss
P.S.M'ta respeta Kiso, sima m'ta respeta tud gente dret. Kiso e mi, nos é dos pessois drêt, bnit e simpatik(...)
Kuantu a ser Dretu e simpatiko mim é tb, mas nka ta dexa di respondi kusas kin ta xinti ma sta mal,ok? Fika dretu
Abçs
SUGESTÃO:
Mod quê bsot ca ta promovê um encontre, não p a falá do que foi li escrivid, mas sim pa espiá possibilidade de pô tud verdade sobre Pantera & Arkora ness ou noutro site, por forma a nô f'cá com pelo menos UM site qu'informação correte sobre ess tema?
Uma vez que Kizó e Rauss ê dôs autoridade ness matéria, se iss fosse feite, nos tud tava ganhá.
Paló
boa nha primão Paló, thx pa sugestão, ma se bu repara djam pidil pam papia ku el, acho ki assim ta serba muito bom, el "Mic" ke é muito bom designer e Kisó ke tb kata fika pa tráz, pa dal infos reais sobre matéria ma mim sta fika pa li sobre esse asunto, se Sr. Mic kiser nha numero tel sta na lista el ta ligam ta marka ka nu papia, moda 2 pessoas civilizadas, kim pensa ma nu é.
abrçs e thx mas 1 bes pa "sujestion"
"Off records": Saudades tuas nha primo Paló, abração nteni gana toka ku bo.
Kiso, nbai konxi kel site i dje sta fora do ar. vai ver es ka paga registo di dominio.
Oportunidadi di alguem di responsabilidadi assumi registo.
Dominiu é oru na mundu digital. li inda ka intendedu inton tem monti spertu na area.
kuidod!
Ka é nunca por acaso qu'ess pessoal, bindo d'fora k'lume na polpa, ta kré passa pa somidade ness Kap Verd, ondé k'tudo zé ninguem ta parcê alguem... Se tive omison é voluntario e bem planeado, moda quel site: bnitim e so pa gloria de Pantera. Quand era!! Mnix, bsote ta longe d'imagina motivason dess pessoal!! Bsote spia drete moda é fete e pamode é fete. Recuperason de Pantera ja vra um dsport muito em voga. Pos agora ja é temp d'nhôs abri oi mas grilid. Nada é d'graça, tud tem pagamento. S'nos kultura ja vra supermerkado en libre service, bsote podê ftcha loja...
K'morabeza pa Multimé(r)dia!!
So mas um palavra, um ta convida nhos pa ba lê nhê conversa ma Mic Dax sobre ess site.
Ariane, am xinti triste pa bô, bo t'vivê na frança e agora am sabê k'bô vra prop francesa: racista sima kes francês mas pior, sima kes francês nationalistas da gaita, chei de preconceitos, de arrogancia e de ignorancia.
Dxa nha polpa segôd, bo ka t'conxê nha polpa, nha polpa bnitim é dum zé ninguê ké crê fca zé ninguê, el é dum gaj simples sem parodia, es né dum caxoron, am t'fazê coza por paixão, né pa fazê show. E se m'tiver lume na polpa, m'ta guardal pa mi, fazêm ess favor d'fazê igual.
Agora se bô crê fca ma bôs preconceitos, se bô crê bta tud gente na mesm gavet antes de conxês, se bô t'xinti raiva tud vêz k'bô oia strangêr méxé polpa, kela né nha problem, m'ta fazê nha caminho tud trankil, k'paz e amor, se bo t'xinti vontad d'leti e d'mordê, a vontad.
Mic Dax, bo ta continua ta dam mas motivo d'afirma o k'um scrévê sobre bo site "Orlando Pantera". Ka é preciso, rapaz, tanto justificason pamode bo pessoa (bo polpa!!) ka tem nemhum interesse. Um ka precisa conchêbe pa tem um ideia d'bos motivason e intenson!!E sabê "k'pexe ta morrê pa sé boca"... Procura explicason
Ariane
"Um ka precisa conchêbe pa tem um ideia d'bos motivason e intenson"
A bo copia isso num livro do Hitler, do general Custer ou do Pieter Botha?
Enviar um comentário