Xatiadu Si

...Pa kem k kata konxe, "Xatiadu Si" e nome de um jornal di tera, eskrit na linga de terra i k tem principal objectivo de promove nos linga komo sendo principal elemento de nos kultura i identidade. Jal tem mas de 10 one i dpos de um período de re-estruturação el voltá k mas forza i na formato de um pekeno jornal (8 página).. antes el era simplismente um boletin k se autor António Melício Pires (Djuntamô Afrikanu) tava distribuí pa um numero restrito de pessoas k'ta partilhá de mesma visão sobre nos kultura/linga; ma agora e possível kompral na kualker banka o na kes lojas de shell. Na esse segunda série jal tita ba na numero 2; el e mensal, ta kstá so 50$00 i tem um tiragem de apenas 1000 exemplares!

Na esse numero 2 de Xatiadu Si tem um editorial sobre ofisializason di kriolu, onde k Tony ta sublinha mas um vez i inkansavelmente importancia de oficializaçon de krioulo tendo em konta i segundo ele k nos kultura e marka mas grandi di nos identidadi i undi kriolu e rainha. Rainha pamo el ta karega na se bariga di mai tudu kes otu balor di nos ser. Tambe na esse mesmo numero tem um destake pa um entrevista k Danny Spínula faze Orlando Pantera.. n ka sabe ao certo na k altura k foi fet esse entrevista mas ta faze parce k foi na altura de lançament de cd de Tubarões "Porton De Nos Ilha" pamo es fala mas disso.. anyway.. e um entrevista muito bom.. pelo menos pa um monte de pessoas e ktem stod prali ta fala de Pantera sem sabê dret de koisas, e mais um subsídio pa ses esklarecimento.

N ta akonselhá/rekomendá kem k'tem realmente interesse na nos kultura i principalmente na nos linga/identidade, a akompanhá esse traboi de António Melício Pires (Tony)... bzot fka dret!