E inacreditavel monera k nos politiko ta geri nos terra. Sem kualker senso de ... NADA! katem um ideologia komum, katem um vontade pro-nos terra katem um valorizacao de nos propria identidade, katem respeito pa nos mesmos!! Uniko motivacao e "parce" , ser importante, dze/faze asnera, geri moda "tonte kta da", i klaro kel motivacao kta estod (infelizmente) pa tras de tud kosa grinhasin: DNHER, MUNHA, MONY, FLUSS, TXOTXOKA, KUMBU.... Isso tudo pa introduzi na um tema kun katava ta pensa fala tao mal i tao cedo: Fortim Del Rey na Soncent. Pois Fortin ja era! Governo Central de JMN mais Camara de Soncente dirigid (ou n devia dze ingerid) pa Dra. Isaura, vulgo ZAU, faze o k deve ser pa es negoce do seculo: cede Fortin pa um grupo de estranger bem inseri um belo hotel de 5 (ou mais) estrelas(!!) mais Casino na nome de o k es ta txma "investimento turistico" situod na um dakes ponto historiko mas importante de nos Baia de Porto Grande na Soncent.
Sem kualker estudo de impacto de monera k ess tipo de turismo (bzot pode konsulta site de NIKKI BEACH k kes e ktita bem konstrui i geri es Condo-Hotels, i bzot ta sabe k tipo de turismo no tita fala) tita bem kausa na esse sociedade, sem konsulta ess populacao pa sabe o k k nos pove ta pensa sobre isso, sem faze um avaliacao de espacos e k deve ser prezervod komo parte de nos historia. Simplismente parce prei uns "mas espert" xei de dnher k ja kompra alma de txeu des i kom isso txeu ta kontent pamo jas resolve ses vidinha kun empriguim ou kun estatuto ou kom um traficozinho de influencias i tal... um tristeza.
Nos Me(r)dia komo sempre por fora de tud kosa i sem konhecimento de kausa es ta fala dess kosa komo se fosse uma grande mais valia pa nos terra!!! Na Liberal Online es tita fala de apresentacao dess "mega" projecto komo se fosse uma koisa de outro mundo! Na Festival de Cinema de Cannes (kem diria!! moda kel jornalista dze!) kom delegacoes governamentais... na um dia dedikod intirin pa Cabo Verde! Sera k tud gente ta cego?? es katita oia o k k isso?? K kuatro klik na internet kualker um ta pode fka ta sabe o k k ta pa tras de isso tudo! Nikki Beach e um grande empresa de da festas i promove diversao.. portanto kel apresentacao tita ba kontce kun grupo de artistas (????) de Sao Vicente na um hotel dess mesma empresa (Nikki Hotels), ka e na kel grande Venue de filmes moda txeu gente tita pensa, i ka pa nenhum promocao de Kultura de Sao Vicente ou Cabo Verde!! Pa forma e ktita ser eskolhido kes "artistas" participantes na evento gente ta oia kual k ses intencao!! (pa kualker informacao kontacta Cape Verde Development na Mindelo, Sao Vicente). Um tristeza monera k nos politikos i (ir)responsaveis ta faze figurinha!! Es ta akompanha um delegacao pa um evento k tem um uniko objectivo de promove Soncente komo um destino pa turismo "de passa sabe" (pa ser suave) etc etc.. !! No devia tma exemplo de ots lugar onde k ess tipo de promocao ta desvirtua um kultura, um pove, um nacao, um identidade k tonte ta ksta pa kria!
Na site de NikkiNews tem uns videos de promocao onde k "responsaveis" pa esse grande projecto ta fala (tud na ingles) sobre o k tita ba ser fete. E triste figura kes ta faze kond es ta fala na construcao dum Hotel de 5 estrelas (segundo es o primeiro em cabo verde!!!) i ktita bem traze um ADDED VALUE pa Mindelo!! N tava gosta de pergunta esse "(i)responsavel" s'el tem konsciencia do k kel tava ta dze i se realmente el tem em mente kual k impacto social kess investidura tita bem traze pa esse pove kompletamente despreparod ou se simplismente el tita defende se emprego (k hoje em dia ta tao dificil!!).
Surgi na Soncente um grupo de pessoas ineteressod na defesa de nos patrimonio, es faze um inkontro na CCM (centro cultural de mindelo) pa trata disso; muito boa intencao! ma na nha ver foi um fiasco! Na fim de kel enkontro ka sai nada d konkreto: nem um grupo pa leva em frente um projecto de preservacao de ditos "patrimonios" pa ser apresentod na Camara ou na Assembleia Nacional. Moda tud kosa ness terra, kel enkontro termina na politikices i troka de palavras entre pessoas simpatizantes de kada partido! na fim tava ta parce mas um assembleia de camara ou koisa assim onde k Sr. Moacir Rodrigues (k era um dakes de mesa juntamente ma Leao Lopes) dze algo k txam inkomodod: Passo a palavra ao Sr. Deputado .... para direito de resposta!!!! Paciencia!! Ma isso infelizmente e nos fraka kapacidade de organiza i exerce nos cidadania i faze nos voz ser uvid na kualker tomada de decisao na nos propria terra!! Um vergonha!! Shame on you intelectuais de Rua de Lisboa! Es sabe so eskreve tolices na jornais i fka ta responde provokacoes pessoais em vez de po ses "intelectualidade" em prol de defesa dum povo kompletamente desprovido de kapacidades de defesa de ses prop interesse!
Se no ka korda, koisas dess tipo ta bem kontinua ta kontce na nos terra deboxe de nos nariz i sem no faze nada! Senao um des dias.. ja kata ser "Soncent e sabe e sabe pa k***!", mas sim so ultima parte: "Ja no ka**!!!"
..Bzot fka dret, k mim n ta irritod!
Sem kualker estudo de impacto de monera k ess tipo de turismo (bzot pode konsulta site de NIKKI BEACH k kes e ktita bem konstrui i geri es Condo-Hotels, i bzot ta sabe k tipo de turismo no tita fala) tita bem kausa na esse sociedade, sem konsulta ess populacao pa sabe o k k nos pove ta pensa sobre isso, sem faze um avaliacao de espacos e k deve ser prezervod komo parte de nos historia. Simplismente parce prei uns "mas espert" xei de dnher k ja kompra alma de txeu des i kom isso txeu ta kontent pamo jas resolve ses vidinha kun empriguim ou kun estatuto ou kom um traficozinho de influencias i tal... um tristeza.
Nos Me(r)dia komo sempre por fora de tud kosa i sem konhecimento de kausa es ta fala dess kosa komo se fosse uma grande mais valia pa nos terra!!! Na Liberal Online es tita fala de apresentacao dess "mega" projecto komo se fosse uma koisa de outro mundo! Na Festival de Cinema de Cannes (kem diria!! moda kel jornalista dze!) kom delegacoes governamentais... na um dia dedikod intirin pa Cabo Verde! Sera k tud gente ta cego?? es katita oia o k k isso?? K kuatro klik na internet kualker um ta pode fka ta sabe o k k ta pa tras de isso tudo! Nikki Beach e um grande empresa de da festas i promove diversao.. portanto kel apresentacao tita ba kontce kun grupo de artistas (????) de Sao Vicente na um hotel dess mesma empresa (Nikki Hotels), ka e na kel grande Venue de filmes moda txeu gente tita pensa, i ka pa nenhum promocao de Kultura de Sao Vicente ou Cabo Verde!! Pa forma e ktita ser eskolhido kes "artistas" participantes na evento gente ta oia kual k ses intencao!! (pa kualker informacao kontacta Cape Verde Development na Mindelo, Sao Vicente). Um tristeza monera k nos politikos i (ir)responsaveis ta faze figurinha!! Es ta akompanha um delegacao pa um evento k tem um uniko objectivo de promove Soncente komo um destino pa turismo "de passa sabe" (pa ser suave) etc etc.. !! No devia tma exemplo de ots lugar onde k ess tipo de promocao ta desvirtua um kultura, um pove, um nacao, um identidade k tonte ta ksta pa kria!
Na site de NikkiNews tem uns videos de promocao onde k "responsaveis" pa esse grande projecto ta fala (tud na ingles) sobre o k tita ba ser fete. E triste figura kes ta faze kond es ta fala na construcao dum Hotel de 5 estrelas (segundo es o primeiro em cabo verde!!!) i ktita bem traze um ADDED VALUE pa Mindelo!! N tava gosta de pergunta esse "(i)responsavel" s'el tem konsciencia do k kel tava ta dze i se realmente el tem em mente kual k impacto social kess investidura tita bem traze pa esse pove kompletamente despreparod ou se simplismente el tita defende se emprego (k hoje em dia ta tao dificil!!).
Surgi na Soncente um grupo de pessoas ineteressod na defesa de nos patrimonio, es faze um inkontro na CCM (centro cultural de mindelo) pa trata disso; muito boa intencao! ma na nha ver foi um fiasco! Na fim de kel enkontro ka sai nada d konkreto: nem um grupo pa leva em frente um projecto de preservacao de ditos "patrimonios" pa ser apresentod na Camara ou na Assembleia Nacional. Moda tud kosa ness terra, kel enkontro termina na politikices i troka de palavras entre pessoas simpatizantes de kada partido! na fim tava ta parce mas um assembleia de camara ou koisa assim onde k Sr. Moacir Rodrigues (k era um dakes de mesa juntamente ma Leao Lopes) dze algo k txam inkomodod: Passo a palavra ao Sr. Deputado .... para direito de resposta!!!! Paciencia!! Ma isso infelizmente e nos fraka kapacidade de organiza i exerce nos cidadania i faze nos voz ser uvid na kualker tomada de decisao na nos propria terra!! Um vergonha!! Shame on you intelectuais de Rua de Lisboa! Es sabe so eskreve tolices na jornais i fka ta responde provokacoes pessoais em vez de po ses "intelectualidade" em prol de defesa dum povo kompletamente desprovido de kapacidades de defesa de ses prop interesse!
Se no ka korda, koisas dess tipo ta bem kontinua ta kontce na nos terra deboxe de nos nariz i sem no faze nada! Senao um des dias.. ja kata ser "Soncent e sabe e sabe pa k***!", mas sim so ultima parte: "Ja no ka**!!!"
..Bzot fka dret, k mim n ta irritod!
8 comentários:
Realmente bo c tem razao! E mi como futuro de nha terra, n ta otcha k se de agora people ba ta dah speed em sabe mas sobre oke k tita passa em termos de tais investimentos, proxima vez pessoal ta fala, ma nao so pa ser ouvido ma sim pa es ser escutados (2 cosa diferentes). Pa governo sabe ma povo tb tem ses opiniao, eh bom tem gent k ta cre alerta cidadoes de Cabo Verde sobre uns actualidades k poc gent ta dah interesse e valor de sabe hoje em dia! Thanks pa txam sabe dess news!
A minha alma está parva...
Paló
Bu sta odja ta constrído um hotel na Athenas?
N monte Olympo undi ta fica acrópole?!
Pessial podi pensa ma ma ê exagero comparação, ma ê significado qui cada um tem pa sê respectivo lugar.
Da Caps
Nha Brotha, 'm ta txa nha koment li na bo blog tbm esperonde kma esse e otes ta sirvi pa isjda esse people WAKE UP e oia o q q'ti ta passa.
Peace!!
Será qnô ti tá intendê drêt êss situação precária qnôs terra ti tá passa? Tá ser “RAPED” pá uns kambada de aproveitadores em nome de investimentos e tá ser isjdód pa nôs governo? Será quês pensá drêt e tenta compreende qual q impacto sentimental q "eliminação" d’Furtim tita bá fazê na povo Mindelense?
Nhás gente bzôt ti tá , realmente intendê o q q'ês ti tá "ELIMINA" q’esse “PROJECTO”? Furtim e'nê so um rutxinha. E’nê sô mas um muntim d’terra na meio de soncente q’um bom “view” pá aproveitadores \violadores cheio d’dnhêr comprá, trá proveito e satisfazê sês sonhos iguistas d’intxi kada vêz más d’dnhêr na kusta d’um povo. NÃO!! Furtim ê um ponto histórico qtá faze parte integral d’karáter d’nôs povo. Povo Mindelense.
Tonte d’nôs q’já algum vêz ka sbi Furtim dnutinha, junto ma um “krêtxêu pa oiá barkos tá sai d’lá d’nôs porto grande e cambá na horizonte? Tonte d’nôs q’já algum dia ka sbi lá, n’amanhêcer d’um dia, dpôz d’fazê um bom “geada”, sentá lá e aprecia kêl beleza mistica(q’ê sô d’sêu) d’nôs baia e monte cara, e oiá MINDELO tá kordá; sê povo tá prepará pa um novo dia? Pá nôs q’já fazel sabê q’ma KATÊM NADA IGUAL NA MUNDE. Mi ‘m fazel txêu kêl vêz na nhá mninênça e atá ainda dpôs de 19 ôn tá vivê longe d’nha terra, kês recordação dakes momentos lá tá vivê dente d’mim sempre. Isso e otes lembranças dêss tipo la ê qta fazêm sinti txêu orgulho em ser um MINDELENSE na dvêra.
Agô, pamôd d’ganáncia e na nome de evoluição, no panha NÔS terra no “PTÁL NA PRASSA” como uma vagabunda. Quem da más!! Nô txás pstil bnit(fazê “lindos” resorts, hoteis de cinco estrelas, apartamentos de luxo e ôtes tais de “projectos”) e nô txál ser “RAPED”(violada) inquanto nô ta assisti tudo sem faze nada. Ah nhas gente, amdjor nô KORDÁ!! Asnô nôs mas têmp nô katem história, nô katem cultura nô katem recordações , nô katem “NÔS TERRA”!! S’isso continuá assim, s’nô txá nôs ilhas continua tá ser “raped” assim sem fazê nada nô pode krê knôs “moto” dikianada tá bem ser:
“Cabo Verde, a puta do oceano atlántico. Vem satisfazer a sua vontade…Tenha bondade!” Será? ‘m ta esperá q’não. Moda nhá mãe tá dzê: K’MAGINA !!
BetOliveira
kijack mi e um leitora atenta de bo blog,hm nasce na portugal,ma q tud nhas raizes na cv.jam ale atentamente es post sobre fortim e tb ots posts na ots blog.perdoam nha ignorância,mas dakel poc kum ta conche de cv e kum ta ama,hm cria sabe se ca ten possibilidade de pessoas faze um baixo-assinado ou população ser informod sobre esse assunt?realmente e incrivel manera kes tita oferece(porque e prop assim) fortim.kela e um identidade de soncent(diga-se cabo verde),es ca pode vendel assim.hm fca prop indignod kess historia.thanks conceição
Conceição, obrigado pa paciencia d le nha blog.. ma e assim: ess grupo kun fala li ses intenção era informá pove d'algum forma. ma es peká pa ses intelectualidade i de manera kes faze kel inkontro. foi bastante formal, es usá so palavras karas, es falá tud na portugues, ou seja es faze um kosa tipo "so" pa ses amigos (kes intelectuais de rua de lisboa), i foi um grande oportunidade (pirdid) de informá realmente i faze algum mixida kess camara de soncent tita precisá. Ma pa ot lode , ess pove katita isdá mute. Camara ta das festas i tud kosa ta fka bnitin! es ka sabe reklama, nem es ka sabe kuais kes ses direit kanta mas falas na CIDADANIA!.. e um pena. mim parcem ma Fortin ja katem volta. Kel empresa e forte (em dnher!!!) i nos tud sabê ma dnher ta komprá tud inkuant i kalá um data d boka hoje em dia! Ma se tiver algo mais ta kontce n ta txob sabê. fka dret.
thanks pa informam.realmente e um pena assunt ta ser tratod assim.infelizmente dnher cre manda na nos cultura,hm te so espera pes ca repende dess "venda" ignorante e perda dum propriedade cultural tao importante de cv.fca dret. conceicao
Merci d'avoir utilisé ma photo et aussi d'avoir mentionné mon nom !
Cordialement
Enviar um comentário