Mas um one.. mas um agoste.. mas um festival.. mas um desgoste!! Ta da um pessoa vontade de dze P**RA!!! ma la n ta ba ta konte n kata dzel. Camara de Sao Vicente ta otxa ma es tem kapacidades productivas e organizativas pa um festival. MENTIRA! moda es ta dze, es pode ingana alguns pessoas alguns vez.. mas nao tud gente i tud vez! Pelo menos mim es ka inganam! i n sabe ma tem txeu kes ka ingana tambe.
No pta um "oiada" na o k k kontce ess one na Festival de Musica de Baia das Gatas (3, 4 & 5 de Agosto de 2007):
3 dias de festas. sem nenhum sentido; nem porke nem pamo. simplismente es junta uns tonte "artistas" na kel palko (k por akaso foi fete uns obras interessantes na kel back stage) i nada mais! Festival dess one tinha komo tagline "homenagem ao movimento claridoso"; mas onde k Claridade foi sublinhod na kel festival? sera k foi transmitid algum mensagem pa esse pove? pa ka dze pa munde, sim pamo festival de baia das gatas e um festival internacional!
Na primer dia de festival "organizacao" resolve kes tava faze dos banda base i po d'cima de palko tudo kem kta aproxima dum microfone i txma el mesmo "artista"! Kom o devido respeito pa alguns k ja tem algum nome i k sinceramente ka devia ter aceite kes kondicoes la, o resto.. era resto! n ka kre nem senta ta menciona nomes pamo ka vale a pena. Bzot sabe do kun tita fala.
Kosa komeca bnit.. Tony Tavares mostra kel katem problema na kriacao. Dpos Kim Alves mostra ma el e kel mestre ktonte es tem estod ta txmal. Dpos foi o k foi! NADA DE NOVO! Um palko de covers i artistas sem kualker orientacao. N senti moda ses tinha trazid palkos de tabanka mar, mindel hotel, porto grande, pub manel d'novas etc etc pa baia das gatas! Mas tarde k kel ot banda base (dirigido n fka na duvida se foi pa Bau ou pa Voginha) da kontinuacao a ess mesma cena, so kun sonoridade diferente. Parafraseond Bana, era so dedadas diferente. Ma es kontinua na kela cena de covers de muska k'ja tem tempo! nada d novo. nem arranjos, nem temas, nem tonalidades!!
Kes maltas de Bau ma Voginha, dpos de toka ma tud kes filera de artistas, ta tura Dra. Isaura k ses incursoes na palko k'ses kosa (kun ka kre nem perde tempo ta fala!), ainda es teve k akompanha Sr. Paulino Vieira. ou seja es pasa uns 5 horas dcima dakel palko. N tem k das parabens pa endurance! Na final de koncerto de P.V. alguns des ja tava ta durmi dcima de ses instrumento! Nao obstante show de Sr. Paulino foi Grande! Interessante, i pa kel pok tempo de ensaio kes teve, foi muito bom!! Tambe kateve grandes novidades (pakem kta konxe P.V. i sabe o k kel e kapaz de faze). Ma mesmo assim foi bom ter oiod P.V. ta faze kel pove sabe i ta dirigi kes maltas "kun klasse da gaita!". Ma na nha ver Senhor Paulino tava merece um Banda de seu! el tava merece pelo menos eskui elementos de se Banda!
Na kes dias seguintes de festival, foi o k foi. N gosta de kes rapazin de Mix Kultura. Es e novo, es tem vontade, es ta valoriza kel k d'nos i principalmente: es tem originais!!! embora alguem pode nota klaramente txeu influencias de Pantera, Tcheka, Arkora, etc etc.. isso nao interessa! kond influencias e dret i ta isdob kria bo prop kamin, entao e bemvindo!
BOSS AC faze check sound ate hora de komeca koncerto.. es exprimenta tud o k kes tinha k exprimenta. ja no konxe mandrongs. i kond es ta bem "Africa" enton ago k show! es mexe tonte na kel mesa de som k resultod tava na uvid de tud gente: som de asnera! koncerto murtxe i sem kualker kualidade. ma mesmo assim pamo era Boss AC lugar intxi, ...ka kre dze nada.. ess pove ta gosta dum asnera!
Da la pa frente festival eskamba. Nunka mais foi falod na Claridosos.. nunka mais houve poesia ou "momentos"! Tambe n tava ta kre txeu!
Kel tercer dia cabeca de cartaz era um tal de Junior Marvin, ao k parece era guitarrista de Bob Marley e porkuanto el ta ba ta ganha vida na kusta de Bob, tal kual alguns artistas de nos tava/ta faze vida na kusta de Orlando Pantera etc. Kasta de kosa e esse na traze um artista pa toka covers de Bob Marley? kela', African Roots ta fazel sem problema! portanto ka mistid gasta tonte dnher pa traze um farsa! Bzot largam da mon!
N ka sabe pamo k TCV ka transmiti ess festival. Tambe nos radio ka pude faze um kobertura komo deve ser, i nos jornais.. bom.. kes la no konxes!
Segundo plano de actividades de CMSV, (na area kultural) es ta destina 8.000 kontos (de nota k orcamento global de festival, segundo Panapress ronda 20 a 25 mil kontos) de ses orcamento pa Baia das Gatas i nenhum pa formacao de professores de muska ou pa po es eskolas de muska ta funciona! Pa ka fala na ots kosas k realmente meste pa faze kom k nos kultura seja valorizod i kem sabe um dia no ta tem artistas de kualidade ta sbi na kel palko de Baia.
Sim, porke nao pensa festival komo deve ser. Kual k objectivo dess festival afinal? Porke nao aproveita kes musikos i faze workshops. Kria espaces alternativos na Baia pa Jam Sessions entre maltas de tok de festival do k so pos kes cerveja a pressao na backstage i faze parodia! Tonte dnher gastod pake?
CMSV deve mais urgente possivel entrega organizacao de Festival de Baia das Gatas na mon de kem k sabe faze realmente. ou enton kital kem k sabe faze, faze um projecto komo deve ser pa kel festival. Nao moda Sr. Djo tinha el fete. mas sim algo k pode ser um mais valia pa nos terra, pa nos muska, pa nos pove! Assim, presidente de CMSV tinha mas tempo pa dedika a koisas k ela sabe faze dret, i nos tud sabe e o k!
Bzot fka dret.
No pta um "oiada" na o k k kontce ess one na Festival de Musica de Baia das Gatas (3, 4 & 5 de Agosto de 2007):
3 dias de festas. sem nenhum sentido; nem porke nem pamo. simplismente es junta uns tonte "artistas" na kel palko (k por akaso foi fete uns obras interessantes na kel back stage) i nada mais! Festival dess one tinha komo tagline "homenagem ao movimento claridoso"; mas onde k Claridade foi sublinhod na kel festival? sera k foi transmitid algum mensagem pa esse pove? pa ka dze pa munde, sim pamo festival de baia das gatas e um festival internacional!
Na primer dia de festival "organizacao" resolve kes tava faze dos banda base i po d'cima de palko tudo kem kta aproxima dum microfone i txma el mesmo "artista"! Kom o devido respeito pa alguns k ja tem algum nome i k sinceramente ka devia ter aceite kes kondicoes la, o resto.. era resto! n ka kre nem senta ta menciona nomes pamo ka vale a pena. Bzot sabe do kun tita fala.
Kosa komeca bnit.. Tony Tavares mostra kel katem problema na kriacao. Dpos Kim Alves mostra ma el e kel mestre ktonte es tem estod ta txmal. Dpos foi o k foi! NADA DE NOVO! Um palko de covers i artistas sem kualker orientacao. N senti moda ses tinha trazid palkos de tabanka mar, mindel hotel, porto grande, pub manel d'novas etc etc pa baia das gatas! Mas tarde k kel ot banda base (dirigido n fka na duvida se foi pa Bau ou pa Voginha) da kontinuacao a ess mesma cena, so kun sonoridade diferente. Parafraseond Bana, era so dedadas diferente. Ma es kontinua na kela cena de covers de muska k'ja tem tempo! nada d novo. nem arranjos, nem temas, nem tonalidades!!
Kes maltas de Bau ma Voginha, dpos de toka ma tud kes filera de artistas, ta tura Dra. Isaura k ses incursoes na palko k'ses kosa (kun ka kre nem perde tempo ta fala!), ainda es teve k akompanha Sr. Paulino Vieira. ou seja es pasa uns 5 horas dcima dakel palko. N tem k das parabens pa endurance! Na final de koncerto de P.V. alguns des ja tava ta durmi dcima de ses instrumento! Nao obstante show de Sr. Paulino foi Grande! Interessante, i pa kel pok tempo de ensaio kes teve, foi muito bom!! Tambe kateve grandes novidades (pakem kta konxe P.V. i sabe o k kel e kapaz de faze). Ma mesmo assim foi bom ter oiod P.V. ta faze kel pove sabe i ta dirigi kes maltas "kun klasse da gaita!". Ma na nha ver Senhor Paulino tava merece um Banda de seu! el tava merece pelo menos eskui elementos de se Banda!
Na kes dias seguintes de festival, foi o k foi. N gosta de kes rapazin de Mix Kultura. Es e novo, es tem vontade, es ta valoriza kel k d'nos i principalmente: es tem originais!!! embora alguem pode nota klaramente txeu influencias de Pantera, Tcheka, Arkora, etc etc.. isso nao interessa! kond influencias e dret i ta isdob kria bo prop kamin, entao e bemvindo!
BOSS AC faze check sound ate hora de komeca koncerto.. es exprimenta tud o k kes tinha k exprimenta. ja no konxe mandrongs. i kond es ta bem "Africa" enton ago k show! es mexe tonte na kel mesa de som k resultod tava na uvid de tud gente: som de asnera! koncerto murtxe i sem kualker kualidade. ma mesmo assim pamo era Boss AC lugar intxi, ...ka kre dze nada.. ess pove ta gosta dum asnera!
Da la pa frente festival eskamba. Nunka mais foi falod na Claridosos.. nunka mais houve poesia ou "momentos"! Tambe n tava ta kre txeu!
Kel tercer dia cabeca de cartaz era um tal de Junior Marvin, ao k parece era guitarrista de Bob Marley e porkuanto el ta ba ta ganha vida na kusta de Bob, tal kual alguns artistas de nos tava/ta faze vida na kusta de Orlando Pantera etc. Kasta de kosa e esse na traze um artista pa toka covers de Bob Marley? kela', African Roots ta fazel sem problema! portanto ka mistid gasta tonte dnher pa traze um farsa! Bzot largam da mon!
N ka sabe pamo k TCV ka transmiti ess festival. Tambe nos radio ka pude faze um kobertura komo deve ser, i nos jornais.. bom.. kes la no konxes!
Segundo plano de actividades de CMSV, (na area kultural) es ta destina 8.000 kontos (de nota k orcamento global de festival, segundo Panapress ronda 20 a 25 mil kontos) de ses orcamento pa Baia das Gatas i nenhum pa formacao de professores de muska ou pa po es eskolas de muska ta funciona! Pa ka fala na ots kosas k realmente meste pa faze kom k nos kultura seja valorizod i kem sabe um dia no ta tem artistas de kualidade ta sbi na kel palko de Baia.
Sim, porke nao pensa festival komo deve ser. Kual k objectivo dess festival afinal? Porke nao aproveita kes musikos i faze workshops. Kria espaces alternativos na Baia pa Jam Sessions entre maltas de tok de festival do k so pos kes cerveja a pressao na backstage i faze parodia! Tonte dnher gastod pake?CMSV deve mais urgente possivel entrega organizacao de Festival de Baia das Gatas na mon de kem k sabe faze realmente. ou enton kital kem k sabe faze, faze um projecto komo deve ser pa kel festival. Nao moda Sr. Djo tinha el fete. mas sim algo k pode ser um mais valia pa nos terra, pa nos muska, pa nos pove! Assim, presidente de CMSV tinha mas tempo pa dedika a koisas k ela sabe faze dret, i nos tud sabe e o k!
Bzot fka dret.
9 comentários:
Obrigada Kiso pa ess cronica sem papa na lingua, pamode no ta po keston se mnino d'CV ja vra surdo i mudo?!! Obrigada tanbi pa ousadia d'bo opiniao sobre devera un festival k'ta anda coxe e fusko, e sobretudo k'ta leva pa povo d'Mindelo, fora alguns raros eskapote, so lixera i poluson (na primer i graus siguintes). Un ka ta comprendé pamode FBG, dpos de tant one, ainda ka ta da lucre pa CMSV i sê populason??!! Kultura podê rendê k'un kzinha d'imaginason i abertura d'spirt. Tcholda é so desgaste i perdé tempo...
Un bonjour de Paris, sous la pluie.
Obrigado pa le Ariane. fka dret.
Oi Jack, bo da um show, forma komo bo spo es bo post, ess terra tita meste mas kijack pa tenta po kosas na linha principalmente na área de kultura, pamod no ta cheio de pseudo-intindid na matéria ke é só farol, ta parce na tud ke é jornal e tv ma no fundo ka ta passa de vento da boka pra fora, e bo sabe de kem kun tita fala, ta ranjod taxos pa kem kes kre e kes ke realmente faze ta fkz na eskuridão porke ta inkmodas. Bom éra só pam dob parabens e um des dias un ta resolve eskreve tb kk kosa a respeito de nos (IN)Kultura.
Abrass
Houss
Oi Kijack,
thanks pa dividi co ppl oto perpectiva di quel qui foi e qui podi ser festival de baía das gatas
dicas qui ta sirbi també pa otos festivais, já que, sima um di nos poetas musicante fla nnum di ses grande composiçon, "musika ê nos rikeza".
Abraço,
Vavá
Oi Kisó,
Rialmenti N fika admiradu ku bu "post" sobri festival. Pamodi ideia ki ta pasa na midia y boka di povu e ki foi un susésu di festival.
Gosi N tivi na bu "post" kelotu ladu di moeda y N gosta txeu di le-l.
Realmenti txeu kuza mesti fazedu pa muzika y mutu maz pa kultura en jeral.
Inkuantu politikus ta disidi tudu sen persebi di nada, nu sta Fud***.
Kontinua ta fla verdadi
Cptos
PS: Mudandu di asuntu N kurti bus fotu.
Bâle, Kzó.Akel abrasu.
obrigado pa bzot tud kteve tempo i paciencia pa le. Shalom!
Agora bô tcham num confusão de gaita, Kisó... Afinal tud o k m tava ta uvi ê q festival foi um sucesso! Bom, de qualquer forma gent ta deve uvi ots opinião. Ma nha comentario ê sobre ques rapaz de Mix Cultura. Realmente ês ê um grupo muito talentoso, Titita ta toca um cavaquim que ta faze gent pará. E faze gent mudá ess conceite que maioria de pessoal tem sobre música qu´ê feit na nha ilha Sintanton. Mix Cultura ti ta mostrá que ilha ê tambê abert a ots experiência.
Monera Paulino, obrigado pa pasa prei... bom e assim.. :) se bo bem uvi td o k Me(r)dia ta dze i kerdita.. es ta kaba pa dzeb ma Banda Calypso e emdjor banda de mundo... k Gil e maior cantor de caboverde de todos os tempos...k Pantera e k iventa batuk.. k festival de baia foi emdjor de todos os tempos..etc etc tec..! hehehe.. ma pronto.. mi nha opiniao li foi so vrod pa palko i o k kontce "musikalmente" durante kes 3 dia.
Realmente Mix Kultura i tud Sintanton ta de parabens pa kes rapazin. pena k ses CD ka e promovido komo deve ser i maior parte de cabo verde ainda ka uvi nem fala na es kuanto mais uvis ta toka.
fka dret
Enviar um comentário