Depos de le artigo de opinião sobre CD de Kim Alves eskrit pa Casimiro de Pina, na Jornal Expresso das Ilhas, n ka podia fka sem faze uns observação. Mas antes n kria so denota o seguinte: na nos meio e normal pessoas konfundi traboi kom o autor; sim, e normal alguem fala de traboi de alguem i ots pessoas pensá logo ma no titá fala dakel pessoa em si.. n kriá so txa klore k opinião abaixo eskrit nada tem a ver nem kom a pessoa de Kim Alves nem k pessoa de Casimiro de Pina. N kre simplismente faze uns reparo k nha ver n ka podia txa de faze.. koisas simples! Pois é... unton no segui em frente:Axo k nunka um CD da tonte k falá, na tão pok tempo i de forma tão variado, do k esse de K.A. O próprio autor lança um desafio na ses entrevistas, kel txá kualker um k kuriosidade e/ou interesse de bá uvi esse obra d'seu kom kuidado: uns pa certifiká se o kel tava ta dze e mesmo assim... ots pa mero interesse musikal. Mi n ta fka pa kel interesse musikal. CD é de muito boa kualidade, bem gravod, bom repertório, boa execução, boa eskolha de instrumentos.. ou seja muito boa produção e arranjos musikais.
Não resta dúvidas, i n katem i nunka n teve kualker problema na dzel, k K.A. e um artista de grande calibre na diversas facetas de se traboi: tanto komo produtor, arranjador, compositor, intérprete, multi-instrumentista ou técnico de som. Kelá ninguem kata konsegui tral se mérito pa diversos trabalhos kel tem apresentod i pa o kel tem kontribuid pa nos kultura! Pessoalmente, i abrindo um exepção, i falond um bokadin de se lado humano, n tem muito boas referencias dele e sempre n respeital komo pessoa e principalmente komo artista! Na nha post Poema dedikod a Dança das Ilhas de K.A., um data de gente ka intende kual era ambiente dakel Ode, i kosa kabá pa tmá um rume k menos n tava esperá. Axo k alguns ka konsegui detetá sentido humorístiko do mesmo. Pois.. o próprio K.A. dze na ot entrevista ma el e um pessoa divertida i k ta estod sempre na goze.. seria por aí pessoal! Anyway...
Mas no tem k konve, i esse e um dakes principal objectivo dess blog, k e precisse dze o k realmente no ta pensá relativamente a monera k Mé(r)dias ta tratá certos assuntos kulturais, mais precisamente musika! E nesse base kun kria faze um ligeiro comentário/reparo a esse texto de Casimiro. Klaro k kel artigo e de opinião. Portanto kuando el ta descreve sentimentos k esse CD ta provokal (ir a lua, beijar beldades de cinema, mestria do autor, cadencia impensável ou dar o anel de prata kel katem), isso tudo ta pertence a um kampo muito íntimo d'seu, i ka e isso k n tita bem fala. Mas mesmo assim n fka k impressão ma el katem akompanhod musika de Cabo Verde k mais atenção, porke dze k esse cd e [...]talvez o mais importante das duas ultimas décadas[...] e um bokadin out! Duas dekadas meu!!! VINTE ONE!!! e muita koisa! muita musika k foi fete.. muita experimentação...muitos géneros k bem i k bai...muitos grupos k nasce, txa obras i mais obras i desfaze.. ou seja: foi fete i ta tud ta kontinuá ta ser fete muita koisa tonte li na CV, komo fora dali, pa estod ta resumi a um CD tud importancia k 20 one de musika tem!! mas pronto.. ainda bem kel usa "talvez".. n ta dal benefício da dúvida.. se kalhar el kria dze: talvez UM DAKES mas importante....será?
Kond no ta fala de jazz, automaticamente (e mesmo assim) no tem k fala de improviso! Jazz tem um estrutura básica muito simples: (intro) - Tema - Improviso(s) - Tema - (outro)! Pois.. Tema as vezes pode tem so 8 kompassos e dala pa frente e tudo baseod na improvisos segundo kel harmonia. Na CD de Kim, no tita fala de jazz em k aspecto? sonoridade? harmonizações utilizod? estrutura musikal? Sim, porke kata existi improvisos, mas sim partes (A-B-C) interkalod entre es de manera a formá um estrutura k principio, meio i fim. Será kel kria dze Jazzy? k ja e outra koisa...ja kre dze ma tal musika tem um influencia de jazz... normalmente em termos de arranjos, fingerstyle, utilização de acordes kom sétimas i nonas...etecetra!
"Pela primeira vez um disco que reune todos os rítmos de Cabo Verde" ...bom, ka mistid ninguem ba konsultá Osvaldo Osório, Margarida Martins ou Vladimir Monteiro pa sabê ma CD kata reuni nem metade de ritmos de Cabo Verde.. fka de fora um boa parte de ritmos de Barlavento bem como de Sotavento tambe (so pa nomeá alguns: mazurka, contradança, colá sanjon, ladainha, lundú, canizadi, rabolo, etc etc...). Interessante e k CD tem 3 chorinhos! Chorinho e um ritmo k’ta existi na musika de Cabo Verde, mas e mais um ritmo imprestod na Brasil, do k propriamente de nos.
Pegond na um frase dess texto “este é um disco de alguém que não tem nada para provar”, n tava gosta de dze o seguinte: realmente seria muito mais musikal i artístiko se era mesmo isso e k’tava passá. Mas pelo kontrário no depará kun traboi, bem feito sim senhor, mas k foi kuase k impingid num forma de “emdjor cd de peskisa de musika instrumental de cabo verde até esta data” (i mas ots kosa). Epá! Kualker pessoa ta reagi a um falta de humildade ou simplismente a um chamada de atenção desse forma li! Era, na nha ver, muito mais valioso se esse traboi tava txga na merkado dum forma sublime, trankil i sem alaridos.. pa da pessoas chances de deskubril!! Sentil!! Uvil k atenção!!Trá ses prop konklusão i otxa kual k ses tema de eleição! De monera k foi fete, maior parte de audições tita ba ser fete k txeu influéncias i tendéncias: uns dret ots mariot.
Spritu’l Tabanka, n katem duvida nenhuma kel ta mexe k kualker pessoa..n kompra CD de Kim na dia de apresentação na Auditório, i n passá kel note i kel plamanha de dia seguinte ta uvi kel musika vez sem konta. Realmente el um tema mute bnit i de facil eskuta/assimilação. Apesar de ser, pa mim um cadência kompletamente pensável, el ta pegá alguem pa se simplicidade melódica (Tema) i pa kel ritmo de base bastante balançod (falond dum forma simplista)! Igualmente moda ess tema li, tem txeu kosa bnit ao longo de tud CD. Alias n ta rekomendá kualker pessoa a kompral, uvil k kalma, sentil, intendel. Mi de certeza kun tita bem ofrecel txeu pa esse natal!! Se bzot kopial, além de ser pirataria, bzot ta perde kel encarte e k’tem um texto extenso de Kwame Gamal Monteiro sobre a obra. Um texto um tanto elaborado i um pok difícil nalguns passagens, mas k se autor ta explika k CD e um producto pa exportação, portanto pa, supostamente, um publico k ta ba percebe emdjor o k kel kre dze la.
N ta konkordá k Casimiro de Pina kond el ta dze [...]O seu trabalho é, sobretudo, de estudo e aperfeiçoamento de uma rica tradição que vem de trás.[...]; Pois, n ta akrescentá k no tem k agradece a kes k antes de nos txeu sofre [pode parce ma ess expressão e mute forte ka e? Ma e mesmo assim] pa podia preservá, modernizá, divulgá i passá, pa nos desse nova geração, kel músika k no ta pode baseá i trabaiá d’cima dele i assim kontinuá nos traboi komo músikos, ta pensá na kes k tambe tita bem dpos de nos, pa sempre no trabaiá na um sentido komum: kel de emdjorá kada vez mais nos Kultura, nos Identidade!
Um palavra de apreço pa tud kem ktita trabaia na musika, i ness kaso especifiko de Kim Alves pa ses traboi na musika de CV. Felicidades & Sucessos! i usond palavras do amigo Djinho Barbosa:
má ê tempu pa da
pa busca pa dividi
ê tempu pa más dedus
pa cria um mesmu ton
um Son kompiladu
...Bzot fka dret
