E de louva i e bom sabe ma pessoal na Praia faze um manifestacao ordeiro & silencioso por kausa dakel atentado kes tita faze na Palacio de Cultura Ildo Lobo. Sim senhor! Ma e inkrivel monera k ka oiod ninguem de Pro-Praia nem Me(r)dias na manifestacao!! Nos televisao um vez faze um cobertura na telejornal de um batizado dum katxorr i es kata faze um cobertura dess evento???
Alias.. porke k nunka kata tem engajamento de populacao em massa na es kosa? Pamo k kata trazid pa riba Praia pessoal de periferia pa manifesta ses indignacao tambe? Ou sera k grosso de populacao (kes k realmente ta da votos) kata interessod na Palacios de cultura nenhum? Ou sera k kel ideia kma kes kosa la e kusas pa kopu leti e mesmo dvera?
Se assim for, de nada kata sirvi es tipo de manifestacao. Alias, alguns pode sai ate ta perde. Tipo, pessoal pode bem txa Ministro de Cultura mal i kom isso governo de JMN; nao kes ta ba fka abalod ou koisa assim; mas xatiod es e kapaz de fka. i kom isso alguem manha pode katem kel "ajuda" de ministerio ou de ot edilidade por kausa disso. Ya.. eleicoes ta perte. e hora de tma partido i ka parce feio.
Por isso e k mi e favor de um kosa mas VISIVEL!! mas gente.. traze populacao em peso! mostras ma kela e um exemplo de abuso de poder ou simplesmente ignorancia de kem kta na poder. seja komo for. mostra ma ess talvez e ka melhor forma de governa ess pais!
Pessoal engajado na leva ess manifestacao mais alem (o k e o mais certo!) eskreve um carta pa Senhor Ministro da Cultura (ou sera Cu-ltura?) onde kes ta expo ses indignacao i onde kes ta propo alguns solucao pa kel espace, k realmente ja teve tempos kel tinha um dinamica fora de serie na Praia.
...Bzot fka dret!
2 comentários:
bom kidjack,
ala nho ta bai 1 koche más longi na cerne da questão.
ka tem 1 adesão em massa essencialmenti pamó 2 razon:
-primero nos di praia (infelizmenti) só nu ta adere a manifestaçon qui toca-no a nôs propi directamenti. (tristi verdade)
-segundo, aliás bu toca na ponto certo, ê população (em massa) ca xinti palácio di cultura como di sel ou usufrui del. na verdade foi praticamenti 1 grupo reduzido. pamódi, ca mesti ser mi pa splica..
Já agora só 1 mais além acerca di bu abordagem.
Povo ê ca alienado di cultura. Problema ê quel qui elite ta cre impoi na povo como cultura.
Bu sabi ma um bez na praia tinha um espaço co actividades undi povo ta aderiba em massa?!
Bu sabi ma tinha um espaço (quel mesmo espaço..) di cultura e lazer undi mininos ta brincaba co qualidadi e segurança durante fim de semana?!
Bu sabi ma tinha tinha um espaço undi jovens ta aprendeba um monti di actividades?! Música pintura e etc?!
Pois, mi di Praia n' podi flou num lugar gossi degradado sima um monti oto, Parque 5 de Julho, vulgo Fera.
Só um pergunta, (a título di provacação)
ARKORA toca na Fera algum bez?!
Da Caps
...muito bem Da Caps. Sempre bo ta expo kosa dum manera mute inteligente. bom ponto de vista esse de bosa. n ta konkorda k bo. Obrigado pa pasa prei.
Realmente na nhas 14 onde de Praia (n txga la na 1993) ainda n panha txeu actividades na Fera. i ate porke ultimamente n teve k estod ta bai la pa kuando de ensaio ma Djodji (na sala de ensaio de fero gaita) i era um tristeza monera kel ta transformod: ta da medo estod la dentro!!
i pa respondeb, n ka sabe se bo ta lembra de uns atividades k foi fete la pa Promex: feiras de gastronomias i koisas assim.. isso na 1999-2000, se n kata em erro. i foi la k Mayra Andrade faze um show, akompanhod pa Angelo Andrade i Robert Pemberton (dakes primer show de Mayra) i Orlando Pantera toka tambe. Grupo ArkorA k no ta konxe hoje ka txga toka la kom um projecto de ArkorA. ma elementos, separadamente teve la.
Fka dret.
Enviar um comentário